Կա կանոն. գործընկերներին բարձրացնել, ոչ թե իջեցնել. Վահրամ Բաղդասարյան
« Դատական օրենսգրքի շուրջ հակասություններ չկան, կան իրավաբանների տարբեր կարծիքներ՝ օրենքը սահմանադրական է, թե ոչ: ԱԺ-ն շարժվում է Պետաիրավական հարցերի մշտական հանձնաժողովի կարծիքով: Նաև իրավաբանական վարչությունը տվել է եզրակացություն, որ այդ օրենքի նախագիծը սահմանադրական է: Այդ իսկ պատճառով ԱԺ ղեկավարությունը շարժվել է այդ հորդորով»,- Ազգային ժողովում հրավիրած տարեվերջյան ասուլիսում ասաց ՀՀԿ խմբակցության ղեկավար Վահրամ Բաղդասարյանը: Տեղեկություններ կան, որ Վահրամ Բաղդասարյանը աչք ունի Բաբլոյանի պաշտոնի վրա,հարցրեցին լրագրողները: «ԱԺ նախագահը գործել է կանոնակարգի համաձայն:Մեր խմբակցությունում, առավել ևս ինձ մոտ մի կանոն է գործում՝ գործընկերներին բարձրացնել, ոչ թե իջեցնել: Իսկ ԱԺ նախագահ Արա Բաբլոյանն իր տեղում է, աշխատում է ճիշտ, կարողանում է հարաբերությունները ճիշտ պահպանել և ԱԺ Կանոնակարգ օրենքից որևէ շեղում չի կատարել»,- հավելեց Վահրամ Բաղդասարյանը:
Հետևեք մեզ Viber-ում
