Եթե չունես մարտունակ բանակ, դու ունենալու ես ոչ թե գործընկերներ, այլ աշխարհաքաղաքական շեֆեր. Քոչարյան
Ի՞նչ պետք է անել, որ մեզ լուրջ վերաբերվեն և մեր խոսքը կշիռ ունենա։ Առաջին հերթին պետք է լրջորեն զբաղվել բանակով, ամրացնել Հայաստանի անվտանգությունը։ Այս մասին, այսօր՝ նոյեմբերի 9–ին TV5–ին գտված հարցազրույցում նշեց ՀՀ երկրորդ նախագահ Ռոբերտ Քոչարյանը։
«Մարտունակ բանակը հենց նրա համար է, որ պատերազմ չլինի։ Մարտունակ բանակը նաև նրա համար է, որ ունենաս աշխարհաքաղաքական գործընկերներ։ Եթե չունես մարտունակ բանակ, դու գործընկերներ չես ունենալու, ունենալու ես աշխարհաքաղաքական շեֆեր։ Եթե դու թույլ ես, շեֆ ունենալով դառնում ես անվտանգության սպառող, ինչը նշանակում է, որ դու գին ես տալիս։ Տեսեք, թե Ուկրաինան ինչ գին է տալիս։
ՀՀ իշխանություններն այս հարցով չեն զբաղվում, ասում են՝ սա է մեր սահմանները, դրանից դուրս մեզ ոչինչ չի հետաքրքրում։ Հենց դու քեզ սահմանափակում ես այդ մտածելակերպով, դու արդեն պրոբլեմ ունես, դու դառնում ես մի երկիր, որը տարածաշրջանային որեւէ դերակատարություն չի կարող ունենալ։ Քո փոխարեն որոշելու են, թե այս միջանցքը ոնց է գնալուայն հարցը ոնց է լուծվելու։ Դու դառնալու ես տեղդ հանգիստ նստած մարդ, ոչ մեկը քո հետ հաշվի չի նստելու ընդհանրապես»,– ընդգծեց Ռոբերտ Քոչարյանը։
Հետևեք մեզ Viber-ում
