Հայաստանն ամեն ինչ արել է, որ ռուս խաղաղապահները դուրս գան Արցախից․ Քոչարյան

Հոկտեմբերի 18-19-ին Նիկոլ Փաշինյանը հրաժարվեց դադարեցնել պատերազմը, թեև գլխավոր շտաբը զեկուցեց, որ մարտական գործողությունները շարունակելու հնարավորություն այլևս չկա:
Նա չդադարեցրեց պատերազմը, որպեսզի իրեն դավաճան չասեն։
Հայ ժողովրդի համար դա արժեր առնվազն 2,5 հազար լրացուցիչ զոհ և 5-6 հազար վիրավոր։ Այդ մասին հայտարարել է ՀՀ երկրորդ նախագահ Ռոբերտ Քոչարյանը։

Նրա խոսքով՝ Հայաստանն ամեն ինչ արել է, որ ռուս խաղաղապահները դուրս գան Արցախից․

«Նոյեմբերի 9-ի հայտարարության տակ եղել է Ռուսաստանի նախագահի ստորագրությունը, Պուտինը ստանձնել է անվտանգության պատասխանատվությունը և խաղաղապահներ տեղակայել։ Սակայն Երեւանը միակողմանի հրաժարվել է մասնակցել այդ գործընթացին»,- ասել է նա՝ ընդգծելով, որ Ադրբեջանը համաձայնվեց դադարեցնել պատերազմը, սակայն Փաշինյանը մերժեց առաջարկը․

«Ինձ համար 44-օրյա արցախյան պատերազմի ամենաանհասկանալի կողմը Ռուսաստանի հրադադարի առաջարկի մերժումն էր՝ Նիկոլ Փաշինյանի կողմից»,- եզրափակել է ՀՀ երկրորդ նախագահը։