Արայիկ Խանդոյանը վատացել է
2016թ. ոստիկանության ՊՊԾ գունդը գրաված եւ մի շարք ծանր հանցագործությունների մեջ մեղադրվող «Սասնա ծռեր» խմբի անդամներից Պավել Մանուկյանի, Վարուժան Ավետիսյանի, Մխիթար Ավետիսյանի, Արայիկ Խանդոյանի, Գագիկ Եղիազարյանի, Արմեն Բիլյանի, Արեգ Կյուրեղյանի, Սմբատ Բարսեղյանի, Սեդրակ Նազարյանի եւ Էդվարդ Գրիգորյանի գործով հերթական դատական նիստը վերսկսվելուց հետո շտապօգնություն հրավիրվեց դատարան: Դատավոր Մեսրոպ Մակյանը դատավարության կողմերին տեղեկացրեց, որ վատացել է ամբաստանյալներից Արայիկ Խանդոյանի («Միայնակ գայլ») ինքնազգացողությունը: «Սասնա ծռեր» խմբի անդամ Արմեն Բիլյանն էլ արդեն 3 օր է հացադուլ է հայտարարել, և չնայած դրան՝ ներկայացել էր դատարան: «Երեկ պաշտոնապես դիմում է գրել, հիմա գտնվում է հացադուլավորների խցում, որտեղ կյանքի համար անհամատեղելի պայմաններ են. ցուրտ է եւ հնարավոր չէ մնալ այդ սենյակում»,- հայտարարեց նրա պաշտպան Արմինե Ֆանյանը: Արմեն Բիլյանը հացադուլ հայտարարելով՝ պահանջում է իրեն պատշաճ բուժօգնություն ցուցաբերել. «Ներկայումս գլխապտույտներ ունի, աչքի այրոց, գլխի մեջ այրոցներ»:
Հետևեք մեզ Viber-ում
