Ջիգարխանյանի կնոջ ներկայացուցչին ծեծել են (տեսանյութ)

ԽՍՀՄ ժողովրդական արտիստ Արմեն Ջիգարխանյանի երիտասարդ արդեն նախկին կնոջ՝ Վիտալինա Ցիմբալյուկ-Ռոմանովսկայայի ներկայացուցիչ Էլինա Մազուրը  Անդրեյ Մալախովի «Прямой эфир» հաղորդման հերթական թողարկման ընթացքում պատմել է,որ իրեն   ծեծել են: Նա պատմել է, որ իրեն զանգել ու խնդրել են գնալ եւ Ջիգարխանյանի ընկերոջ՝ Արթուր Սողոմոնյանի մասին իր արած հայտարարությունների մասին ցուցմունք տալ: Նրա պատմածի համաձայն՝ ճանապարհին 2 մեքենա կանգնեցրել են իր մեքենան, համազգեստով մարդիկ իրեն ուժով տեղափոխել են իրենց մեքենա, իսկ իր վարորդին թույլ չեն պաշտպանել իրեն: «Ինձ ասացին, որ նստեմ մեքենան, ես խնդրեցի փաստաթղթեր ներկայացնել, ինձ անհասկանալի ինչ-որ բան ցույց տվեցին: Ձեռքերս ոլորեցին, ուղեկցեցին մեքենա, ու փաստաթղթեր ուզեցին... քանի որ հրաժարվեցի մեքենա նստել, ձեռքերս ոլորեցին, մի քանի անգամ խփեցին ռետինե մահակներով»,- պատմել է նա: Ծեծի արդյունքում Մազուրը կապտուկներ եւ կողոսկրի կոտրվածք է ստացել: Նա նշում է, որ բղավել է, սակայն անցորդներն անտարբեր են եղել, իսկ ոստիկանություն այդպես էլ չի եկել: Մազուրը ենթադրում է, որ կազմակերպիչը Արթուր Սողոմոնյանն է: Ըստ նրա՝ այսպիսով իրեն փորձում են հեռու պահել ստեղծված իրավիճակից: Մազուրը նաեւ վստահեցրել է, որ շաբաթներ առաջ Ջիգարխանյանին իսկապես առեւանգել է Արթուր Սողոմոնյանը եւ նրան պահել է հիվանդանոցում: Նա հայտարարել է, որ դերասանի առողջական վիճակը լավ չէ, եւ ինքն ու Վիտալինան շարունակելու են պայքարել նրա համար: