«Մենք էլ չգիտենք ինչպես բացատրենք ժողովրդին, որ զգոն լինեն, հեռու մնան գնացքի գծերից»
ՀՀ ողջ տարածքում ընթացիկ տարվա մինչ այս օրը գնացքների տակ ընկնելու հետևանքով մահացել է 4 քաղաքացի։ Այս մասին «Հայկական ժամանակ»-ի հետ զրույցում նշել է «Հարավկովկասյան երկաթուղի» ՓԲ ընկերության մամուլի պատասխանատու Վարդան Ալոյանը։ Ըստ Ալոյանի, ընթացիկ տարում տասնյակ դեպքեր էլ արձանագրվել են, երբ գնացքը բախվել է մեքենաների ու գնացքի գծերի վրա արածող անասուններին, սեփականատերերին պատճառելով հսկայական նյութական վնաս։ Գնացքները բախվել են 21 մեքենայի. «Մենք էլ չգիտենք ինչպես բացատրենք ժողովրդին, որ զգոն լինեն, հեռու մնան գնացքի գծերից։ Արարատում գնացքը ոչնչացրեց գծերի վրա արածող 140 ոչխարի…. նման դեպքերում համ գնացքը վնասվեց, համ էլ էդ մարդն ապրուստի միջոցից զրկվեց»,- ասել է Ալոյանը։ Ամբողջությամբ կարող եք կարդալ «Հայկական Ժամանակ» թերթի այսօրվա համարում:
Հետևեք մեզ Viber-ում
