Կլոպը մամուլի ասուլիս է տվել խոհանոցում

Անգլիայի գավաթի խաղարկության 3-րդ փուլի «Էկսետեր» – «Լիվերպուլ»(2:2) հանդիպման նախախաղյա մամուլի ասուլիսը հյուրերի գլխավոր մարզիչ Յուրգեն Կլոպն անցկացրել է խոհանոցում՝ սննդի աշխատակիցներ Սյուի ու Թրեյսիի ընկերակցությամբ: Ըստ ամենայնի՝ մրցաշարի հովանավորչական խումբն ավելի հարմար սենյակ չի գտել ասուլիսը կազմակերպելու համար: Կլոպը բացարձակապես չի զարմացել տեղի ունեցածից, և հարցին, թե արդյոք անսովոր չէ՞ խոհանոցում մամուլի ասուլիս անցկացնելը, գերմանացի մասնագետը պատասխանել է. «Դուք հավանաբար պատկերացում էլ չունեք, թե ես որտեղ եմ ստիպված եղել խաղալ»: Նշենք, որ խաղից հետո Կլոպը յուրահատուկ նվեր է ստացել մրցակցի գլխավոր մարզիչ Փոլ Տիսդեյլից: Մասնագետը Կլոպին նվիրել է նույն գլխարկից, որն ինքն է կրում իր թիմի խաղերի ժամանակ: