Ինչն էր Ալթունյանի շփոթմունքի պատճառը

ՀՀ առողջապահության նախարար Լևոն Ալթունյանը դեկտեմբերի 14-ին կայացած կառավարության նիստից հետո լրագրողների հետ զրույցում անդրադարձավ «Ազատություն» ռադիոկայանի «Ֆեյսբուքյան ասուլիս» հաղորդաշարի ընթացքում իր այն հիմնավորմանը հիմնավորել, թե  ինչու է անհրաժեշտ Պապիլոմա վիրուսի դեմ աղջիկներին պատվաստել հենց 13 տարեկանից և, հղում կատարելով տարիներ առաջ արված հարցումների արդյունքներին, ասել էր, որ Հայաստանում մինչև տասնհինգ տարեկան աղջիկների շուրջ 25 տոկոսը սեռական կյանքով ապրելու փորձ ունի:

 Այս հայտարարությունը քննադատությունների առիթ դարձավ հասարակության շրջանում և մեծ աղմուկ բարձրացավ, անգամ որոշ հասարակական գործիչներին ու «Ծառուկյան» դաշինքի պատգամավոր Գևորգ Պետրոսյանին պահանջեց նախարարի հրաժարականը:

Այնուհետև, առողջապահության նախարարությունը պարզաբանում ներկայացրեց Լ. Ալթունյանի վերոնշյալ հայտարարության կապակցությամբ, նշելով, թե շփոթմունք է եղել, և նախարարը տղաների մասին վիճակագրությունը ներկայացրել է որպես աղջիկներին վերաբերող ցուցանիշ։

Այս հարցի հետ կախված նախարարն այդպես էլ չկարողացավ պարզաբանել իր շփոթմունքը, չպատասխանելով հարցերին:

Նշենք, որ վկայակոչել է «Հայաստանի դպրոցահասակ երեխաների առողջության վարքագծի 2013-2014թթ. ազգային հետազոտության» արդյունքները, որոնց համաձայն, անանուն հարցման ժամանակ 15 տարեկան տղաների 21 և աղջիկների 1 տոկոսը նշել են, որ ունեցել են սեռական հարաբերություն:

Իսկ 2010 թվականին կատարված հետազոտության համաձայն,15 տարեկան տղաների 45 տոկոսն է ասել, որ սեռական հարաբերություն է ունեցել, իսկ աղջիկների` 2 տոկոսը։ Բայց, հակառակ նախարարության հրապարակածի, այս երկու հետազոտություններում տղաներին վերաբերող 25 տոկոսի վերաբերյալ որևէ տվյալ չկա։