Լճացման իրավիճակ է
Կառավարության այսօրվա նիստին վարչապետ Կարեն Կարապետյանը հակակոռուպցիոն գործող ռազամավարության արդյունավետության ու նոր ռազմավարության վերաբերյալ հանձնարարական հնչեցրեց: Նա նշեց, որ 2015 թ-ին ընդունվեց Հայաստանի հակակոռոուպցիոն ռազամավարությունը, իրականացվել են մի շարք միջոցառումներ այս ընթացքում կոռուպցիայի դեմ պայքարի շրջանակներում, ռազամավարությունից բխող որոշ միջոցառումներ դեռևս ընթացքի մեջ են, բայց նոր հավակնոտ ռազամավարության համար, ըստ վարչապետի, նոր միջոցներ են պետք, նոր մոնիթորինգ: Ըստ այդմ նա հանրապետական գործադիր մարմինների ղեկավարներին հանձնարարեց սահմանված ժամկետներում ավարտին հասցնել գործող հակակոռուպցիոն ռազմավարությունից բխող անհրաժեշտ օրենսդրական փաթեթների մաշակման եւ միջոցառումների կատարման աշխատանքները: Վարչապետը հանձնարարվեց նաեւ 30-օրյա ժամկետում ըստ ոլորտի մշակել հակոկոռուպցիոն նոր ռազմավարության վերաբերյալ առաջարկություններ եւ դրանք ներկայացնել Արդարադատության նախարարությանը: «Կառավարության աշխատակազմի ղեկավարին հանձնարարում եմ 15-օրյա ժամկետում ավարտին հասցնել ներկայումս գործող 4 ոլորտային հակակոռուպցիոն միջացառումների մոնիթորինգի եւ գնահատման մեխազնիզմների մշակման աշխատանքները, սահմանված ժամկետում ամփոփել Հակոկոռուպցիոն ռազմավարությամբ նախատեսված եւ իրականացված միջացառումներն ու դրանց արդյունքները: Պետք է նաեւ ներկայացնել ամփոփ տեղեկատվություն՝ ապահովելով դրա հասանելիությունը հասարակության լայն զանգվածներին», - ասաց նա: Կարեն Կարապետյանը Արդարադատության նախարարությանը հանձնարարեց ձեռնարկել միջոցներ նոր և հավակնոտ ռազամավարության մշակման ուղղությամբ, ներգրավել քաղաքացիական հասարակության ներկայացուցիչներին, գործարարներին, գիտնականներին և այլ շահագրգիռ կողմերին: Նոր փաստաթղթի մշակման աշխատանքներին պետք է հնարավորինս ներգրավել քաղաքացիական հասարակության ներկայացուցիչներին, գործարարներին, իրավաբաններին, գիտնականներին եւ այլ շահագրգիռ մարմիններին,ասաց նա:
Հետևեք մեզ Viber-ում
