Խորհրդարանն ընդհատեց աշխատանքները

Հայաստանի Ազգային ժողովը այսօր մի շարք օրինագծերի քվեարկությունից հետո ընդհատեց աշխատանքները: ԱԺ նիստը վարող ԱԺ նախագահ Արա Բաբլոյանը հայտարարց, որ այսօր առաջին ընթերցմամբ ընդունված օրինագծերի երկրորդ ընթերցմամբ քննարկումները կմեկնարկեն վաղը՝ դեկտեմբերի 14-ին: «Մենք կունենանք բավականին ժամանակ աշխատելու համար», - հայտարարեց ԱԺ խոսնակը: Նշենք,որ Ազգային ժողովն առաջին ընթերցմամբ ընդունեց Հարկային օրենսգրքում փոփոխություններ և լրացումներ կատարելու մասին օրենքի նախագիծը: Նախագծին կողմ քվեարկեց 61, դեմ՝ 35 պատգամավոր: Նախագծով Հարկային օրենսգրքում շուրջ 30 բովանդակային փոփոխություն է առաջարկվում, ինչը տնտեսավարողների համար առավել բարենպաստ պայմաններ կստեղծի: