Խոսրով Հարությունյանը ներողություն կխնդրի՞

ԱԺ «Հայաստանի Հանրապետական կուսակցություն» խմբակցության պատգամավոր Խոսրով Հարությունյանը չի կարծում, որ պարտավոր է որևէ մեկից ներողություն խնդրել:Հարցին՝ ինչպե՞ս է վերաբերվում իր հրաժարականի պահանջին, Հարությունյանը պատասխանեց. «Ես ոչ մի հայտարարություն չեմ արել, պարզապես մեկնաբանել եմ գործընկերոջս հայտարարությունը»: Խոսրով Հարությունյանը նշել էր, որ եթե մարդ սովոր է կարտոֆիլ օգտագործել, ապա միևնույն է՝ մսի թանկացումը նրա վրա չի ազդի, քանի որ նա գումար չունի միս գնելու ու շարունակելու է կարտոֆիլ օգտագործել։ Հիշեցնենք, որ Հակոբ Հակոբյանն էլ հայտարարել էր. «Աղքատը քիչ է ծախսում, հետևաբար թանկացումը բերում է նրան, որ աղքատը ստիպված, ինքնաբուխ ձևով խուսափելու է թանկացած ապրանքներից»։