Ամոթ ունենան՝ չեն թանկացնի, գետինը մտնեն, էդքան հարստանալ պետք չի. Սեյրան Սարոյան

ԱԺ ՀՀԿ-ական պատգամավոր, գեներալ Սեյրան Սարոյանը Աժ-ում լրագրողների ետ զրույցում  անդրադառնալով  թանկացումներին,  ասաց. «Դե որ ամոթ ունենան էդ թանկացողները, չեն թանկացնի, գետինը մտնեն, էդքան հարստանալ պետք չի էլի, օլիգարխ չէ, ինչ ուզում է լինի»: Թանկացումների հարցում ՀՀԿ-ական պատգամավորները տարակարծիք են։ Հակոբ Հակոբյանը վստահ է, որ թանկացումները չեն ազդելու աղքատների վրա, քանի որ նրանք, միևնույն է, նախկինում էլ չէին գնում այն ապրանքները, որոնք թանկ էին, իսկ Խոսրով Հարությունյանը պնդել էր, որ եթե մարդ սովոր է միայն կարտոֆիլ օգտագործել, ապա մսի թանկացումը նրա վրա չի ազդի։ «Ճիշտ ա ասում նախագահը :Ի՞նչ իմանամ, ես ռևիզո՞ր եմ։ Նախագահը, որ մի բան ասում է, ուրեմն գիտի, որ ասում է: Ասեց չէ՞, որ ինչ-որ մի տեղ նոր ենք, նոր ենք վերականգնվում: Կարողա թերություն ա, ճիշտ չի ծախսվել։ Էսօր մեր համայնքապետերը ո՞նց են ընտրվում։ Իրենց ազգությունը շատ էր լինում, դառնում էին գյուղապետ, էդ փողերը ծախսում էին ոչ թե նորմալ տեղերում, այլ ոնց ուզեին։ Խնդիրը գողանալը չէր, ճիշտ չեք հասկացել նախագահին, այլ փոշիացնելը, էդ փողերը չի կարելի փոշիացնել» , –  Սարոյանը՝ անդրադառնալով ՏԻՄ համաժողովի ժամանակ Սերժ Սարգսյանի ելույթին, որ այսուհետ համայնքապետերի թալանը չի ներվելու և ամոթ է, որ համայնքի փողերը տուն են տանում: Դիտարկմանը, թե նախագահը շեշտել է, որ գումարներն այլևս տուն չեն տարվելու՝ պատգամավորն ասաց. «Դե բա փոշիացնում ա, մի բան էլ պետք ա տուն տանի»: