Մեր նախագահն ինչ ասում ա, ճիշտ ա ասում. Սամվել Ալեքսանյան
ՀՀԿ-ական, բիզնեսմեն պատգամավոր Սամվել Ալեքսանյանից լրագրողները հետաքրքվեցին Հայաստանի աղքատության մասին.«Ես ուզում եմ, որ Հայաստանում ոչ մի աղքատ մարդ չլինի: Դրա համար աշխատատեղ ենք ստեղծում»: Հարցին, թե նա ինչ է անում, որ աղքատություն չլինի, պատգամավորը նշեց, թե իր աղջիկը բիզնեսներ է հիմնել: «Դե քիչ-քիչ պակասում է, եկեք, տեսեք, թե ինչքան աշխատատեղ ունենք ստեղծած: Երկիրը շատ լավ ղեկավարվում է: Չե՞ք ուզում գաք, նայեք աշխատատեղերը: Իմ աղջկա բիզնեսն է, իմը չէ: Որ ուզենաք, դուք էլ կդնեք բիզնես: Ես տանը բիզնես դասեր եմ տալիս, եկեք դուք էլ մասնակցեք դասերին, դուք էլ բիզնես դրեք, մարդիկ բիզնես չեն կարողանում դնել, որովհետեւ իմ դասերին չեն մասնակցում»,- նշեց նա: Մեր նախագահն ինչ ասում ա, ճիշտ ա ասում, ասաց Սամվել Ալեքսանյանը՝ անդրադառնալով տեղական ինքնակառավարման մարմիններին նվիրված հանձնաժողովի ժամանակ Սերժ Սարգսյանի հայտարարությանը, ըստ որի եղել են գող համայնքապետեր, որոնց շատ բան է ներվել, բայց 2018-ից այլևս այդպես չի լինելու։ «Նախագահը, որ ասում ա, ուրեմն գիտի դրա մասին», - նշեց նա։ Փաստորեն եղել են չարաշահում անողներ հարցին , բայց ոչ ոք չի պատժվել, Ալեքսանյանը նշեց. «Ի՞նչ իմանամ, կարող ա պատժվել ենն դուք խաբար չեք»։ ՏԻՄ-ին նվիրված խորհրդաժողովի ժամանակ Սերժ Սարգսյանն իր ելույթում, անդրադառնալով համայքապետերի չարաշահումներին, նշել էր. «Գաղտնիք չէ, որ շատ համայնքապետներ չարաշահում են իրենց պաշտոնը և այն օգտագործում են անհասկանալի և անընդունելի եկամուտներ ունենալու համար՝ սկսած նրանից, որ տարբեր խորամանկություններով, տարբեր ձևերով օտարում են համայնքներին պատկանող հողերը, որ անազնիվ վերաբերմունք են ցուցաբերում համայնքային բյուջեների նկատմամբ, և չմանրամասնեմ, որովհետև ինձ համար շատ տհաճ է այս խոսակցությունը: Մի բան եմ, ուղղակի, ուզում ասել. շատ ներողամիտ ենք եղել համայնքապետների նկատմամբ: Ներողամիտ ենք եղել, որովհետև համարել ենք, որ պետք է կայանան, այս ինստիտուտը պետք է կայանա, և այս ընթացքում հնարավոր են որոշակի վատ դրսևորումներ: Ուզում եմ բոլորիդ, ոչ մեկին չեմ վախեցնում, ուղղակի ուզում եմ բոլորիդ զգուշացնել` եթե որևէ մեկը պետք է այս գործերով զբաղվի, ավելի լավ է գնա ուրիշ տեղ աշխատի»։
Հետևեք մեզ Viber-ում
