Ձեր սիրած սև խավիարն է թանկանում. Հակոբ Հակոբյանին

Սոցիալապես բևեռացված երկրում՝ աղքատությունը, գործազրկությունը, արտագաղթը դաջվել են շատերի մտքերում և հոգիներում:Եվ ահա այս պարագայում Դուք՝ որպես ԱԺ-ի առողջապահության և սոցիալական հարցերի մշտական հանձնաժողովի նախագահ բարձրաձայն տեսակետ եք արտահայտում, որ թանկացումները աղքատների վրա չեն ազդում, որովհետև գումար չունեն, որ գնեն թանկացած միս, կարագ...:Մասնագիտությամբ իբրև տնտեսագետ Դուք պետք է տեղյակ լինեիք, որ շուկայում ցանկացած ապրանքի թանկացում իր հերթին բերում է մի ամբողջ շարք ապրանքների գնաճի:Ամանորի նախօրյակին սննդամթերքի որևէ տեսակի գնաճ շղթայական գնաճ է առաջացնում շուկայում: Ձեր սիրած սև խավիարը թանկանում է, իսկ սոցիալապես անապահով խավի հանապազօրյա հացի որակը ընկնում է կամ էլ թեր կշռված հաց են գնում:Առողջապահության և սոցիալական հարցերի մշտական հանձնաժողովը պետք է նախագահի ոչ թե տնտեսագետի որակավորմամբ իշխող կուսակցության անդամը, որը Արփա-Սևան թունելի սեփականատերն է, այլ պատգամավոր, որը քաջ տեղյակ է քաղաքացիների հոգսերին, խորամուխ է սոցիալական հիմնահարցերում, սոցիալական բևեռացման պատճառներից քաջատեղյակ է և, ի վերջո, ամբողջությամբ պատկերացնում է անապահով խավի առջև ծառացած առողջության պահպանման խնդիրները:Տնտեսագետին իրոք դժվար է առողջապահական խնդիրների նկատմամբ ականջալուր լինել և ամբողջությամբ պատկերացնել, որ թեր սնված պատանին կամ երիտասարդն իր առողջության հաշվին է սահմանը պահում, իսկ թեր սնված կինը վատառողջ երեխա է լույս աշխարհ բերում:Հ.Գ. Պատգամավորի անձեռնմխելիությունը հնարավորություն չի տալիս նրան հետ կանչել կամ էլ հորդորել, որ մանդատը վայր դնի:Սակայն ստեղծված իրավիճակում Ձեզ համար նպատակահարմար կլինի ընտրել պատգամավորական այլ աշխատանք՝ առողջապահության և սոցիալական հարցերի մշտական հանձնաժողովից դուրս...:Իսկ եթե Ձեզ համար խորթ է այլ հանձնաժողովում աշխատանքը, ապա փորձեք առ ժամանակ հարցազրույց չտալ և աղքատության, թանկացման, առողջապահական, սոցիալական այլ հարցերին նվիրված ասուլիսներին չմասնակցել:Ընտրությունը Ձերն է: Գառնիկ Վաղարշակյան Հայաստանի բուհերի արհեստակցական կազմակերպությունների ճյուղային հանրապետական միության նախագահ