Տարեկան շրջանառվող կաշառքի ահռելի չափի մասին

ՄԱԿ-ի հրապարակած տվյալներով աշխարհում տարեկան շրջանառվող կաշառքը կազմում է մոտ 1 տրիլիոն դոլար։ «Համաշխարհային տնտեսությունը եւս 2,6 տրիլիոն դոլար կորցնում է կոռուպցիոն դրսեւորումների պատճառով։ ՄԱԿ-ը հիշեցնում է, որ կաշառակերությունը ծանր հանցագործություն է, որը վտանգում է ցանկացած հասարակության սոցիալ-տնտեսական զարգացումը։ Ոչ մի երկիր, ոչ մի հասարակություն ապահովագրված չէ կոռուպցիայից»,- հայտարարել է ՄԱԿ-ը։ ՌԴ գլխավոր դատախազ Յուրի Չայկայի հրապարակած տվյալների համաձայն՝ կոռուպցիայի հետեւանքով ՌԴ-ին պատճառված վնասն անցած երեք տարիներին կազմել է ավելի քան 148 մլրդ ռուբլի։