Կենսաթոշակ կամ սոցիալական նպաստ ստանալու համար նույնականացման քարտի պահանջի մասին

Անձնագրային և վիզաների վարչության պետ Մնացական Բիչախչյանը ֆեյսբուքյան իր էջում անդրադարձել է կենսաթոշակ և սոցիալական նպաստ ստանալու վերաբերյալ քաղաքացիների կողմից հաճախ տրվող հարցերին: «Վերջին ժամանակներս շատ են դիմում քաղաքացիներ այն հարցով, թե արդյոք նույնականացման քարտ չունենալը կարող է առիթ հանդիսանալ կենսաթոշակ  կամ  սոցիալական նպաստ չստանալու համար: Տեղեկացնում եմ, որ անհանգստանալու կարիք չկա, այս պահի դրությամբ վերը նշված վճարները ստանալու համար նույնականացման քարտ ունենալու պարտադիր պահանջ սահմանված չէ», - տեղեկացրել է Մնացական Բիչախչյանը։