Գյումրին արեւմտամետներին է սպասում․ «Հրապարակ»
«Հրապարակ» օրաթերթը գրում է․
Գրել էինք, որ Հայաստանի արեւմտամետները՝ Արման Բաբաջանյանի գլխավորությամբ, օգոստոսի 23-ին բողոքի ակցիա են իրականացնելու Գյումրիում տեղակայված 102-րդ ռազմաբազայի դեմ՝ պահանջելով հանել այն մեր երկրից։
Արման Բաբաջանյանը, որը մշտապես հանդես է եկել հակառուսական կոչերով, գաղափարներով ու հայացքներով, վերջին անգամ նմանատիպ բողոքի ակցիաներ իրականացրեց մայիսի 21-ին` ԱԳՆ շենքի դիմաց՝ Լավրով-Միրզոյան հանդիպման ժամանակ, եւ ԱԺ-ի դիմաց՝ Վալենտինա Մատվիենկոյի հայաստանյան այցի ընթացքում։
Որոշ տեղեկություններով՝ Գյումրիում պատրաստվում են կոշտ հակազդել Երեւանից հայրաքաղաք գնացած արեւմտամետներին:
Քննարկումներ կան, թե ի պաշտպանություն ՌԴ-ի եւ ռազմաբազայի ինչ հակընդդեմ ակցիա իրականացնել։
Փորձեցինք Գյումրու համայնքապետ Վարդան Ղուկասյանից պարզել՝ քաղաքային իշխանությունն ինչպես է արձագանքելու այդ ակցիային, սակայն նա հարցը լսեց եւ ասաց, որ ավագանու նիստի է մասնակցում, չի կարող պատասխանել, թեպետ նիստն արդեն ավարտվել էր։
Հետևեք մեզ Viber-ում
