Ադրբեջանական ծագման ՌԴ մի շարք քաղաքացիներ, Ադրբեջան այցելելով, չեն կարողանում վերադառնալ տուն, քանի որ նրանց ստիպում են ծառայել Ադրբեջանի բանակում։ Ընդ որում՝ նրանցից ոմանք Ադրբեջանի քաղաքացիություն չեն ունեցել և հաշվառված չեն էլ եղել զինկոմիսարիատում։
Այս խնդիրը բարձրացնում է Դաղստանի տեղական РИА «Дербент» լրատվական գործակալությունը, իսկ դեկտեմբերի 7-ին կայացել էր խնդրի վերաբերյալ երկրորդ մամուլի ասուլիսը, որին տեսազանգի միջոցով միացել է նաև Ադրբեջանում պահվողներից մեկը։
Ըստ ասուլիսի կազմակերպիչ և РИА «Дербент-ի» խմբագրի տեղակալ Ամիլ Սարկարովիգնահատականի՝ Ադրբեջանում պահվում է մոտ ՌԴ 1000 քաղաքացի, որոնց ստիպում են ծառայել բանակում։ Չնայած սրան՝ նշենք, որ ընդհանուր առմամբ լրատվակայքը բարձրաձայնել է կոնկրետ 4 դեպքի մասին, որտեղ կան անուններ։
Ադրբեջանում պահվող ՌԴ քաղաքացիներ Շամիլ և Էլմար Գուսարովների հայրը՝ Թելման Գուսարովն էլ հայտնել է, որ այսպիսի խնդիր է առաջացել 2016-ի ապրիլից հետո։ Ըստ նրա՝ միայն Ադրբեջանի Գուսարի շրջանում պահվում է շուրջ 100 ՌԴ քաղաքացի, սակայն այս թիվը փոփոխական է, քանի որ ոմանք կարողանում են լուծել իրենց հարցերը, ինչպես նաև ավելանում են նորերը։ (Օրինակ՝ ավելի վաղ Թելման Գուսարովը խոսել էր Գուսարում պահվող 120 հոգու մասին։)
Շամիլ և Էլմար Գուսարովները Ադրբեջան էին եկել 2016-ի մարտին և մինչ օրս չեն կարողանում վերադառնալ տուն։ Հատկանշական է, որ նրանք երբեք ադրբեջանական անձնագիր չեն ունեցել։
Ասուլիսի հաջորդ մասնակիցը, ով ևս պահվում է Ադրբեջանում Ռաշադ Գաֆարովն է։ Նա 2007-ին հրաժարվել է Ադրբեջանի քաղաքացիությունից և ծառայել է ՌԴ զինված ուժերում։ Գաֆարովը Ադրբեջան էր եկել 2016-ի նոյեմբերին։ Նրան ևս ստիպում են ծառայել Ադրբեջանի բանակում, սակայն Գաֆարովը որոշել է հարցը լուծել դատարանի միջոցով։ Նրա հարցը Ադրբեջանի Բարձրագույն դատարանում է, և որոշում է կայացվելու գալիք տարվա հունվարին։ Նման խնդրի է բախվել նաև Ռուսաստանի քաղաքացի Սեյմուր Վահիդովը։
Ըստ Գաֆարովի՝ Ադրբեջանի բանակում ծառայել չկամենալու համար Ադրբեջանի իշխանությունները ճնշում են գործադրում իր և ընտանիքի անդամների վրա, իսկ եղբայրը սպառնալիքներ է ստանում։ Հատկանշական է, որ ըստ ասուլիսի կազմակերպիչ Ամիլ Սարկարովի՝ ՌԴ քաղաքացիներին Ադրբեջանում պահելու և բանակում ծառայել ստիպելուգործին լծվել են նաև Ադրբեջանի հատուկ ծառայությունները։
Հատուկ ուշադրության է արժանացվում նաև խնդրի վերաբերյալ ՌԴ ԱԳՆ-ի և Ադրբեջանում ՌԴ դեսպանության «անգործությունը»։ Չնայած տարբեր դիմումներին՝ թե ԱԳՆ-ն և թե դեսպանությունը որևէ օժանդակություն չեն ցուցաբերել, իսկ պատասխանը եղել է ֆորմալ նամակի տեսքով՝ «ինքներդ լուծեք ձեր հարցերը» բովանդակությամբ։
Հիմա տոժողներին որպես լուծում մնում է մի քանի տարբերակ՝
Ծառայել բանակում (ըստ РИА «Дербент-ի» հայտնի է ընդամենը մեկ այդպիսի դեպք),
Պայքարել ինչպես Ռաշադ Գաֆարովը և Գուսարով եղբայրները,
Լուծել հարցերը գումարի միջոցով։
Ամիլ Սարկարովը նշում է, որ նրանք, ովքեր չեն որոշել պայքարել իրենց իրավունքների համար հարցերը լուծել են գումարով։ Ըստ նրա՝ Ադրբեջանում «սպիտակ, не годен» զինվորական գրքույկների գները սկսվում են 3000 մանաթից (մոտ $1760):
Խնդրի շուրջ Ռուսաստանի անտարբերության պայմաններում, ըստ Սարկարովի, Ադրբեջանը էլ ավելի է մեծացնում ճնշումը։ Տուժողները որոշել են խնդրի շուրջ դիմել ՌԴ Պետդումա, ինչպես նաև կրկին նամակ հղել ՌԴ ԱԳՆ։
Աղբյուրը՝ razm.info
Փետրվարի 21-ին՝ ժամը 12։30-ին, Հայելի ակումբի հյուրն է Աշոտ Անդրեասյանը
Փետրվարի 21-ին՝ ժամը 12։00-ին, Հայելի ակումբի հյուրն է «Մայր Հայաստան» դաշինքի անդամ Դերենիկ Մալխասյանը
Փետրվարի 21-ին՝ ժամը 11։00-ին, Հայելի ակումբի հյուրն է ԱԻՄ առաջնորդ Պարույր Հայրիկյանը
Փետրվարի 20-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Փետրվարի 20-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Փետրվարի 20-ին՝ ժամը 12։30-ին, Հայելի ակումբի հյուրն է Արմինե Ադիբեկյանը
Փետրվարի 20-ին՝ ժամը 13։30-ին, Հայելի ակումբի հյուրն է Հայկ Այվազյանը
Փետրվարի 19-ին՝ ժամը 15։00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը
Փետրվարի 19-ին՝ ժամը 11։00-ին, Հայելի ակումբի հյուրն է բանաստեղծ, քաղաքական գործիչ Խաչիկ Մանուկյանը
Փետրվարի 19-ին՝ ժամը 16։30-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հետևեք մեզ Viber-ում
