Ինչո՞ւ Թրամփն ու Պուտինը որոշեցին հանդիպել հենց Ալյասկայում

Ըստ ամերիկյան դիտորդների՝ Ալյասկան ընտրվեց որպես հանդիպման վայր այն բանից հետո, երբ այլ տարբերակներ, ինչպիսիք են ԱՄԷ-ն և Հունգարիան, բացառվեցին։ Կրեմլը նշեց, որ Ռուսաստանին սահմանակից ամերիկյան նահանգի ընտրությունը լիովին տրամաբանական էր։

Ըստ ամերիկյան CNN-ի՝Ամերիկացի պաշտոնյաները և՛ գոհ էին, և՛ զարմացած նախագահ Վլադիմիր Պուտինի՝ իր ամերիկացի գործընկեր Դոնալդ Թրամփի հետ Ալյասկայում հանդիպելու համաձայնությունից։

Գագաթնաժողովի անցկացման բազմաթիվ տարբերակներ էին քննարկվում, սակայն վայրերի շրջանակը սկզբնապես նեղացավ՝ 2023 թվականին Միջազգային քրեական դատարանի կողմից Պուտինի նկատմամբ կալանքի օրդերի պատճառով։ Ո՛չ ԱՄՆ-ն, ո՛չ էլ Ռուսաստանը չեն ճանաչում նրա իրավասությունը, սակայն այլ երկրներում կա ձերբակալման վտանգ։ Այդ պատճառով, ամերիկյան աղբյուրները նշել են, որ կազմակերպիչները հրաժարվել եին Եվրոպայում հանդիպման գաղափարից. վերջին անգամ Ռուսաստանի և ԱՄՆ առաջնորդները հանդիպել են այնտեղ՝ Ժնևում, 2021 թվականին։ Այնուամենայնիվ, քննարկվել է նաև Հունգարիայի տարբերակը, քանի որ նրա վարչապետ Վիկտոր Օրբանը մտերիմ է և՛ Պուտինի, և՛ Թրամփի հետ։

Գագաթնաժողովը ԱՄԷ-ում անցկացնելու գաղափարը, որը Պուտինը նշել էր որպես հնարավոր վայր, մերժվեց՝ Թրամփի համար Մերձավոր Արևելք,ուրնա այցելել էր գարնանը,ևս մեկ երկար թռիչքից խուսափելու նկատառումով, ։

Ի վերջո, երկարատև կուլիսային բանակցություններից հետո,ընտրվեց Ալյասկան։ Ըստ CNN-ի աղբյուրների՝ հանդիպման վայրը, հավանաբար, կլինի Անքորիջի Էլմենդորֆ-Ռիչարդսոնի ռազմաօդային բազան, չնայած Սպիտակ տունը կցանկանար խուսափել Պուտինին ռազմական օբյեկտում հյուրընկալելուց, բայց ամառային զբոսաշրջային սեզոնի ընթացքում այդքան խիտ գրաֆիկով հարմար վայր գտնելը դժվար էր։

Ինչպես նշել էր Պուտինի օգնական Յուրի Ուշակովը, Ալյասկայի ընտրությունը «բավականին տրամաբանական է թվում»։ Բանն այն է, որ ռուսական Չուկոտկայի և ամերիկյան Ալյասկայի միջև նվազագույն հեռավորությունը ընդամենը 4 կմ-ից պակաս է (Ռատմանով կղզուց մինչև Կրուզենշտեռն կղզին Դիոմեդե կղզիներում)։

Բացի այդ, Պուտինի այցը ԱՄՆ կնշանակի, որ կլինի նաև Թրամփի այցը Ռուսաստան: Սպիտակ տունը արդեն հայտարարել է, որ Թրամփը պլանավորում է այցելել Ռուսաստան։

Դիտորդների կարծիքով, Թրամփի և Պուտինի այս որոշումները վկայում են այն մասին, որ նրանք որոշել են իրենց հարաբերությունները վեր դասել ուկրաինական խնդրից և ԵՄ-ի հետ փոխհարաբերություններից:

Իսկ թե ինչ կնշանակի դա գործնականում, կերևա օգոստոսի 15-ից հետո, երբ կողմերը կգան կամ չեն գա ինչ-որ հարցերումընդհանուր հայտարարի:

Սա է իրականությունը:

Արտակ Հակոբյան

Աղբյուրը՝ Zham.am