ՀՀԿ ԳՄ նիստից հետո լրագրողների հետ հանդիպմանը ՀՀԿ խոսնակ, Ազգային ժողովի փոխնախագահ Էդուարդ Շարմազանովը հայտարարեց. «Հայաստանի Հանրապետական կուսակցությունը միջկուսակցական հուշագիր է ստորագրել Չինաստանի Կոմունիստական կուսակցության հետ: Հայաստանի Հանրապետական կուսակցության պատվիրակությունը` կուսակցության փոխնախագահ Մուշեղ Լալայանի գլխավորությամբ Չինաստանում մասնակցել է այդ երկրի Կոմունիստական կուսակցության կազմակերպած համաժողովին, որին մասնակցել է շուրջ 126 երկրի 200-ից ավել պատվիրակ: Համաժողովի ընթացքում ստորագրվել են միջկուսակցական հուշագրեր, իսկ ՀՀԿ-ն ԱՊՀ տարածաշրջանից միակ կուսակցությունն է, որի հետ ստորագրվել է նման հուշագիր այդ միջոցառման ընթացքում»:
«ԱՊՀ տարածաշրջանից ընդամենը 5 կուսակցության հետ Չինաստանի Կոմունիստական կուսակցությունն ունի նման հուշագրեր, իսկ վերջին համաժողովի ընթացքում ԱՊՀ տարածաշրջանից նման հուշագիր է ստորագրվել բացառապես ՀՀԿ-ի հետ: Հաշվի առնելով Չինաստանի հսկայական աշխարհաքաղաքական և աշխարհատնտեսական մեծ դերակատարումը թե մեր տարածաշրջանում, թե առհասարակ գլոբալ քաղաքականության մեջ` սա շատ կարևոր է: Մասնակից 126 երկրներից միայն 30 երկրի կուսակցությունների հետ է ստորագրվել նման հուշագիր և դրանց թվում է եղել նաև Հայաստանի Հանրապետական կուսակցությունը»,- ասաց ԱԺ փոխնախագահը:
Շարմազանովը անդրադարձավ ՀՀԿ խմբակցության պատգամավորներ Հակոբ Հակոբյանի եւ Խոսրով Հարությունյանի ոչ միանշանակ հայտարարություններին, թե աղքատության եւ թանկացումների վերաբերյալ արված հայտարարություններին, մասնավորապես, թե` թանկացումները չեն վնասի աղքատներին, որովհետեւ նրանք, միեւնույն է, գումար չունեն եւ առանձնապես շատ բան չեն կարողանում գնել, և եթե աղքատները գումար չունեն եւ առեւտուր չեն անում, ինչ կապ ունի՝ միսը թանկ է, թե էժան:
«Որևէ չինովնիկ իրավունք չունի ոչ գիտակցված, ոչ էլ չգիտակցված հայտարարություն անել ՀՀ քաղաքացու հասցեին:Ափսոսանք եմ հայտնում, որ նման հայտարարություն է արվել կամ կոնտեքստից հանվել է հայտարարությունը: ՀՀ բոլոր քաղաքացիները մեր ամենամեծ հարստությունն են:Կառավարության քայլերը պետք է միտված լինեն, որպեսզի քայլ առ քայլ լուծենք այն խնդիրները, որոնք ծառացած են հասարակության խոցելի խավի առջեւ»,- ասել է Շարմազանովը:
Փետրվարի 21-ին՝ ժամը 12։30-ին, Հայելի ակումբի հյուրն է Աշոտ Անդրեասյանը
Փետրվարի 21-ին՝ ժամը 12։00-ին, Հայելի ակումբի հյուրն է «Մայր Հայաստան» դաշինքի անդամ Դերենիկ Մալխասյանը
Փետրվարի 21-ին՝ ժամը 11։00-ին, Հայելի ակումբի հյուրն է ԱԻՄ առաջնորդ Պարույր Հայրիկյանը
Փետրվարի 20-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Փետրվարի 20-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Փետրվարի 20-ին՝ ժամը 12։30-ին, Հայելի ակումբի հյուրն է Արմինե Ադիբեկյանը
Փետրվարի 20-ին՝ ժամը 13։30-ին, Հայելի ակումբի հյուրն է Հայկ Այվազյանը
Փետրվարի 19-ին՝ ժամը 15։00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը
Փետրվարի 19-ին՝ ժամը 11։00-ին, Հայելի ակումբի հյուրն է բանաստեղծ, քաղաքական գործիչ Խաչիկ Մանուկյանը
Փետրվարի 19-ին՝ ժամը 16։30-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հետևեք մեզ Viber-ում
