Նիկոլականը օգնություն է խնդրում Նազելիից` մեզ քարկոզում են, պաշտպանեք...
Նազելի Բաղդասարյանի Ֆեյսբուքյան էջի գրառումն եմ կարդում, թե հայաստանյան ԶԼՄ-ներում որոշակի շփոթ կա՝ «Զանգեզուրի միջանցքի» մասով։ Բացատրությունները մի կողմ թողնենք, արդյունքի մասին խոսենք։ Նրա գրառումը կարդալուց հետո շփոթը դառնում է շիլաշփոթ։ Եթե մինչև այդ խոսվում էր միայն արտապատվիրակելու մասին, հիմա շրջանառության մեջ է դնում՝ վարձակալություն, լիզինգ, կառուցապատման իրավունք․․․ ու իր ասելով այլ նրբություններ, որոնք կարող են այլ իմաստ արտահայտել։ Բառային շիլաշփոթ ու այդ ամենից հետո հավաստիացում, որ «ՀՀ տարածքային ամբողջականությունը, ինքնիշխանությունը, իրավազորությունը, իհարկե, չի կարող արտապատվիրակվել»։ Բանից պարզվում է, ըստ նրա, որ կարող են արտապատվիրակվել «Երկաթուղու, խողովակաշարի, էլեկտրահաղորդման գծերի բիզնես–կառավարումը»։ Այս շիլաշփոթից է, որ մարդիկ ներվայնանում ու վիրավորում են միմյանց։ Նրանք հասկանում են , որ «Զանգեզուրի միջանցքի» հանձնման հազարավոր անվանումներ էլ կարող են ստեղծել, բայց փաստը մեկն է՝ այն հանձնվում է։ Նիկոլականներից մեկը գրում է Նազելիին․ «Պաշտպանեք մեզ այս պատերազմից, էս ինչա՞։ Ինչու՞ պիտի վարչապետին սատարող քաղաքացին այսքան քարկոծվի»։ Քիչ է մնում ասես՝ ձեզ քարկոծել, ձեզանից պրծնե՞լ կլինի։ Հավանաբար քարկոծողներից մեկը պատասխանում է․ «Ես փորձեմ պատասխանել․
- Ձեր էշը ռեզինիցա, միշտ փաստերին ոչ մի հակափաստարկ չունեք։
- Ձեր դիրքերը, երբ պաշտպանում եք մի մարդու, ով գնացել է Տավուշ ու հայ գյուղացուն վախեցնում էր, որ «մի շաբաթից կռիվ կլինի, եթե 4 գյուղատեղիների տարածքը չհանձնեք»։
Պաշտպանում եք մի մարդու, ով Սև լճի տարածքն ասում էր «արա դե ընդե ո՞վա գնում վաբշե, կարանք և հանձնենք», պաշտպանում եք մի մարդու, ով 7 տարիա խաբումա ։ Էլ չեմ ասում որ նախընտրական բուկլետի մեջ մի բանա գրել, հողի վրա կատարել այլ բան՝ ԼՂ մասով , ՀՀ մասով ու ՀՀ շահերի մասով ։ Նորմալա, որ կոլաբորացիոնիստական ռեժիմ սատարելուց ձեր վրա աշխարհի թուք ու մուրն եք վերցնում, ժողովուրդը հո տհաս չի։ Էդ ձեզ են դրել տհասի տեղ ու նորաձև սարքում՝ տձևներիդ, բայց ընդհանուր ժողովուրդը ԷՇ չի »։ Ամենահետաքրքիրն այն է, որ Նազելին առաջարկում է․ «Խնդրում եմ անձնական նամակով գրեք ինձ, հասկանամ ինչով կարող եմ օգտակար լինել»։ Սա արդեն վերջն է։ «Զանգեզուրի միջանցքի» հարցով անձնական նամակ պիտի գրեն Նազելիին։
Հասմիկ Բաբաջանյան
«Հրապարակ օրաթերթ»
Հետևեք մեզ Viber-ում
