13 տարեկան աղջիկների վրա կատարվում է հետազոտություն

«Երկիր ծիրանի» կուսակցությունը հանդես է եկել հայտարարությամբ, որում մասնավորապես ասվում է. «2017 թվականի դեկտեմբերի 8-ին «Երկիր Ծիրանի» կուսակցության և խմբակցության անդամ, բժիշկ-նյարդավիրաբույժ Մարինա Խաչատրյանը հանդես եկավ «Հայաստանի Հանրապետությունում ներդրվող մարդու պապիլոմավիրուսային վարակի (ՄՊՎ) դեմ «Գարդասիլ» պատվաստանյութով պատվաստման վտանգավոր հետևանքների մասին» թեմայով մամլո ասուլիսով : «Երկիր Ծիրանի»- ն ուսումնասիրելով «Գարդասիլ» պատվաստանույութի հետ կապված ողջ տեղեկատվությունը եկել է հետևյալ եզրահանգումներին.

•  Հայաստանի Հանրապետության Առողջապահության նախարարությունը ծրագրված կերպով հետազոտություն է իրականացնում «Գարդասիլ» պատվաստանյութի արդյունավետության, հնարավոր բարդությունների ուսումնասիրության ուղղությամբ։ Աշխատանքներ չեն տարվում արգանդի պարանոցի քաղցկեղի առաջացման այլ պատճառների վերացման համար, չի իրականացվում 2004 թ-ին ընդունված կանանց անվճար հետազոտությունների ազգային ծրագիրը։ Պետական բյուջեից հափշտակվում է շուրջ 150 000 դոլար գումար։ Հետազոտության ընտրանքը կազմում է միայն 13 տարեկան, միայն 16 000 անձ և միայն աղջիկներ։
• Հայաստանի Հանրապետության Առողջապահության նախարարությունը հանրությանը չի տեղեկացրել հետազոտության իրականացման, նպատակների ու հնարավոր արդյունքների մասին, չի ապահովագրել մեր երեխաներին հնարավոր բոլոր բարդություններից։ Հաշվի չեն առնվել հեռավոր, գենետիկական մակարդակով հնարավոր բարդությունները, որոնց ուղղությամբ որևէ հետազոտություն առկա չէ։