Առգրավվել է մոտ 500 կգ հայկական կարմիր ձկնկիթ
«Վնուկովո» օդանավակայանում Հայաստանից ներկրված գրեթե 500 կիլոգրամ ձկնկիթ է առգրավվել ՌԴ անասնաբուժական և բուսասանիտարական վերահսկողության հարցերով «Ռոսսելխոզնադզոր» դաշնային ծառայության կողմից: Այս մասին հայտնում է Mosday.ru-ն: Գերատեսչության մամուլի ծառայության հաղորդագրության մեջ նշվում է, որ ապրանքի պիտակին նշված արտադրանքի քանակը, պահպահնման ու տեղափոխման ջերմաստիճանը չեն համապատասխանել հավաստագրում նշված տվյալներին: ««Ռոսսելխոզնադզոր» դաշնային ծառայության Մոսկվայի և Տուլսկի մասնաճյուղի անձնակազմը «Վնուկովո» օդանավակայանում կանգնեցրել է 492 կգ կարմիր իշխանի ձկնկիթի ձևակերպումը, որը Հայաստանից էր ուղարկվել՝ Եվրասիական տնտեսական միության անասնաբուժական հավաստագրի առկայությամբ»,- նշվում է հաղորդագրության մեջ:
Հետևեք մեզ Viber-ում
