ԱԺ նիստի սկզբում ԱԺ նախագահ Արա Բաբլոյանը հայտարարեց, որ սկզբում կքվեարկեն «Սահմանամերձ համայնքների աջակցություն ցույց տալու մասին» օրենքի նախագիծը՝ 2-րդ ընթերցմամբ, ապա՝ 2018թ. պետական բյուջեի նախագիծը:
«Սահմանամերձ համայնքների աջակցություն ցույց տալու մասին» օրենքի նախագիծը ընդունվեց միաձայն՝ 98 կողմ:
Խորհրդարանն այսօր 64 կողմ, 35 դեմ ձայնով ընդունեց «Հայաստանի Հանրապետության 2018 թվականի պետական բյուջեի մասին» լրամշակված օրենքի նախագիծը:
2018 թվականի բյուջեի նախագծով ընդհանուր եկամուտները կկազմեն 1 տրիլիոն 308 մլրդ 285 մլն դրամ, որից հարկային եկամուտների և պետական տուրքի գծով ծրագրված է 1 տրիլիոն 248 մլրդ 500.0 մլն դրամ: Ծախսերը կկազմեն 1 տրիլիոն 465 մլրդ 200 մլն դրամ, իսկ պակասուրդը գրեթե անփոփոխ է՝ 156,9 մլրդ դրամ: ՀՀ կառավարությունն առաջիկա տարիներին առավել կարևորում է պետական բյուջեի ծախսային հետևյալ գերակայությունները:
4 մլրդ դրամով ավելացվել է պետական բյուջեի պահուստային ֆոնդը, որը մասամբ պայմանավորված է 2018 թվականին նախատեսված 3 կարևոր միջոցառումների ֆինանսավորման անհրաժեշտությամբ: 1 մլրդ դրամով կավելացվի «Հայաստան» զորախմբի ֆինանսավորումը: Մասնավորապես՝ լրացուցիչ 4 մլրդ դրամ ուղղվելու է առողջապահության ոլորտին, որի շնորհիվ կավելացվի հիվանդանոցային, արտահիվանդանոցային որոշ ծրագրերի ֆինանսավորումը:
ԱԺ-ում են ՀՀ վարչապետը եւ Կառավարության մյուս անդամները:
«Ծառուկյան» խմբակցության անդամ, ՀՀ ԱԺ փոխնախագահ Միքայել Մելքումյանը վարման կարգով ելույթում ասաց, որ խմբակցությունը դեմ է քվերակելու բյուջեի նախագծին, քանի որ դրանում տնտեսական աճի ու զարգացման համար հիմքեր չկան:
«Մենաշնորհների դեմ ազատ արդար մրցակցային պայմաններ ձևավորելու համար չեն ձևավորվում պամաններ: Մենք չենք կարող կիսել այս բյուջեի իրականացման քաղաքական պատասխանատվությունը, և «Ծառուկյան» խմբակցությունը դեմ է քվեարկելու նախագծին», - ասաց նա:
Կողմ էր միայն իշխանական կոալիցիան: Քվեարկությունից հետո ՀՀԿ եւ ՀՅԴ պատգամավորները սկսեցին միմյանց շնորհավորել ու ծափ տալ: «Եթե Կառավարությունն ուզում է, կարող է գնալ»,- շշուկով դիմելով ԱԺ փոխխոսնակ Արփինե Հովհաննիսյանին՝ հետաքրքրվեց ԱԺ նախագահ Արա Բաբլոյանը: «Չէ, չէ, չէ…»,- արձագանքեց ԱԺ փոխխոսնակ Արփինե Հովհաննիսյանը:
Փետրվարի 21-ին՝ ժամը 12։30-ին, Հայելի ակումբի հյուրն է Աշոտ Անդրեասյանը
Փետրվարի 21-ին՝ ժամը 12։00-ին, Հայելի ակումբի հյուրն է «Մայր Հայաստան» դաշինքի անդամ Դերենիկ Մալխասյանը
Փետրվարի 21-ին՝ ժամը 11։00-ին, Հայելի ակումբի հյուրն է ԱԻՄ առաջնորդ Պարույր Հայրիկյանը
Փետրվարի 20-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Փետրվարի 20-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Փետրվարի 20-ին՝ ժամը 12։30-ին, Հայելի ակումբի հյուրն է Արմինե Ադիբեկյանը
Փետրվարի 20-ին՝ ժամը 13։30-ին, Հայելի ակումբի հյուրն է Հայկ Այվազյանը
Փետրվարի 19-ին՝ ժամը 15։00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը
Փետրվարի 19-ին՝ ժամը 11։00-ին, Հայելի ակումբի հյուրն է բանաստեղծ, քաղաքական գործիչ Խաչիկ Մանուկյանը
Փետրվարի 19-ին՝ ժամը 16։30-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հետևեք մեզ Viber-ում
