Կարծես՝ այս կյանքով չապրող մարդկանց կողմից կազմված բյուջե լինի.Վարդեւան Գրիգորյան

«Մեր երկրի սիրտը   մարզերն ու գյուղերն են:Վստահ եմ, որ գոնե միջնաժամկետ ծրագրերում դրանք նկատի կունենան: Ժողովրդի զարգացման համար աթոռը չէ, որ հիմք պետք է հանդիսանա:Եթե կա ցանկություն, ապա մենք կարող ենք ներդրումներ գտնել, անել ու վերահսկողություն իրականացնել: ՀՀԿ-ն չի շտապում գնահատականներ տալ կատարված աշխատանքի համար, այլ միայն դրված հիմքերի համար, իսկ Կառավարությունը բավականին լավ հեռանկարներ է ներկայացրել: Այսօրվա Կառավարությունը պահի խնդիր չի լուծում: Բյուջեն միտված է ապագային: Այսօրվա բյուջեն մենք համարում ենք կայունացման ու իրատեսական՝ ոչ մի ուռճացված թիվ չկա, ու թիմային աշխատանքի դեպքում կհասնենք այն նպատակին, ինչը դրված է բյուջեի հիմքում»,-ԱԺ-ում այսօր 2018թ. պետական բյուջեի նախագծի քննարկմանը հայտարարեց  ՀՀԿ խմբակցության ղեկավար Վահրամ Բաղդասարյանը: «Բյուջեի քննարկման ընթացքում չտեսա մի դեպք, երբ պատգամավորն ու զեկուցողը գան ընդհանուր հայտարարի: Մենք արդյունավետ երկխոսություն չունեցանք: Այնպիսի տպավորություն է, որ բյուջեն կազմողները կտրված են բնակչության կենսամակարդակի իրական գնահատականից, կարծես՝ այս կյանքով չապրող մարդկանց կողմից կազմված բյուջե լինի»,-ասաց  Տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նախագահ,«Ծառուկյան» խմբակցության պատգամավոր Վարդեւան Գրիգորյանը: