Ոստիկանության աշխատակցի բանկային հաշիվներին միլիոններ կան

«Փաստ» թերթը գրում է. «Ոստիկանության պետի աշխատակազմի (վարչության իրավունքով) քարտուղարության (բաժնի իրավունքով) բաժնի պետ Նունե Մանուկյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը: Որպես գույք է հայտարարագրել միայն մեկ բնակարան, իսկ դրամական միջոցները պաշտոնը ստանձնելու օրվա դրությամբ կազմել են 24 միլիոն դրամ, 20 հազար ամերիկյան դոլար ու 4 հազար եվրո: Տարեսկզբից մինչ հուլիս ընկած ժամանակահատվածում եկամուտներ նույնպես ունեցել է, որոնք կազմել են 1 միլիոն 675 հազար դրամ եւ գոյացել աշխատավարձից»: Ամբողջությամբ կարող եք կարդալ «Փաստ» թերթի այսօրվա համարում: