Արա Աբրահամյանը բացեց գաղտնիքը՝ Պուտինը դերասանություն է անում

Հայաստան-ԵՄ շրջանակային համաձայնագրի ստորագրման առիթով Ռուսաստանում առաջացած հակահայ հիստերիան, մասնավորապես,  ռուսական հեռուստաալիքներով Հայաստանի հասցեին վիրավորական արտահայտություններ հնչեցնելու փաստը հույզեր է բորբոքել ոչ միայն Հայաստանի,այլ Ռուսաստանի հայերի շրջանում: Մի քանի օր է օդում կախված հարցադրումներ կային՝ որտե՞ղ են Ռուսաստանի հայկական կառույցները, ինչո՞ւ որևէ կերպ չեն արձագանքում կամ չեն փորձում խոչընդոտել այդ տհաճ երևույթը: Եւ ահա, Ռուսաստանի հայերի միության նախագահ, ամենամոլի հայ ռուսասեր Արա Աբրահամյանը հայտարարություն է տարածել , որով իբրև թե պատրաստվում էր դատապարտել մեղավորներին: Բայց դատապարտում չկայացավ, քանզի այդ հայտարարությունը ոչ այլ ինչ էր քան բացատրագիր այն մասին, որ Հայաստանը ամենևին էլ Եվրոպա չի գնում, այլ շարունակում է մնալ Ռուսաստանի կողքին, կամ եթե գնում է, ապա դա Պուտինի կամքով է, կամ համաձայնությամբ.<<Այդ Համաձայնագիրը չի ենթադրում Հայաստանի մուտքը Եվրամիության հետ մեկ ընդհանուր տնտեսական տարածք եւ ԵԱՏՄ անդամ երկրների շահերին ոչ մի վտանգ չի սպառնում:Ավելին, մենք գիտենք, որ բանակցությունների ընթացքում հայկական կողմը տեղեկացրել է իր դաշնակիցներին իր որոշման մասին եւ ռուսական  իշխանությունների կողմից ոչ մի առարկություն չի ծագել, ինչի մասին վկայում է Ռուսաստանի ԱԳՆ եւ այլ իշխանական կառույցների կողմից որեւէ հայտարարության բացակայությունը: Այդ ծայրաստիճան անպատասխանատու լրագրողների եւ քաղաքական գործիչների գործողությունները Հայաստանում, ինչպես եւ Ռուսաստանում առաջ են բերել բազմամիլիոն հայ համայնքի վրդովմունքը, որպես մեր երկրների միջեւ խոչընդոտների ստեղծման փորձ, ինչպես նաեւ նպատակ ունեն  ռուսաստանյան հասարակության աչքում ձեւավորել Հայաստանի նկատմամբ բացասական կերպար>> ասվում է հայտարարության մեջ՝ փորձ անելով հանդարդեցնել վիրավորված կրքերը: Ու որպեսզի Արա Աբրահամյանը ցույց տա իր խոնարհումը առ Ռուսաստան ու Վլադիմիր Վլադիմիրովիչ եւ հանկարծ որեւէ մեկի մտքով չանցնի, թե նրա միտքը ծուռ է, Արա Աբրահամյանը էլ ավելի հեռուն է գնում ՝ քար նետելով Վրաստանի, Ուկրաինայի և Մոլդովայի վրա, վտանգավոր հայտարարություն անում  Ղրիմի հարցի վերաբերյալ. <<Հայաստանը հանդիսանում է նույնիսկ ԵԱՏՄ անդամների մեջ այն եզակի երկրներից մեկը, ովքեր հետեւողականորեն ելույթ են ունենում ի աջակցություն Ռուսաստանի, ինչպես Ղրիմի, այնպես էլ մի շարք խիստ նուրբ հարցերի կապակցությամբ, որոնք առնչվում են ռուսաստանյան արտաքին քաղաքականությանը>>: Արա Աբրահամյանի հղած  հայտարարությունից կարելի է եզրակացնելով առանցքային ասելիքն այն մասին, որ Պուտինը Հայաստանի միջոցով ճանապարհ է բացել դեպի Եվրոպա, սակայն, որպեսզի որպես կայսրություն չկորցնի իր ազդեցիկությունը, իր կայսերական համբավը, կեղծում է իրականությունը: Ի վերջո,  Հայաստանը այդ երկրի համար որպես հերթական նահանգներից մեկն է ընկալվել, հիմա ինչպես ընդունել, որ իրեց տեղն այնքան նեղն է, որ միջանցք Հայաստանով միջանց են բացել դեպի Եվրոպա:  Սրանով է բացատրվում խանդի տեսարանները,հեռուստաեթերով վիրավորանք հնչեցնելը եւ այլ ուրիշ հարձակումները: Եւ քանի ,որ ամեն ինչ արվել է ճիշտ եւ ճիշտ Պուտինի կամքով ու այդ մասին ի լուր աշխարհի հայտարարեց  Արա Աբրահամյանը, ապա կարող էր վերջում էլ թուլանալ ու հաճույք ստանալ.«Մենք դիմում ենք ինչպես իշխանական կառույցներին, որոնք, հույս ունենք որոշակի ազդեցություն ունեն ռուսաստանյան ԶԼՄ-ների վրա, և հեռուստաընկերությունների ու ԶԼՄ-ների ղեկավարներին՝ պահանջելով հեռուստաեթերից զրկել այդ ծախու լրագրողներին, վայ-քաղաքագետներին և փորձագետներին, եթե մտահոգ են իրենց հեղինակությամբ, քանի որ դա առաջին հերթին վնաս է հասցնում հենց այդ զանգվածային լրատվամիջոցներին, որոնց միջոցով տարածվում է այդ տգիտությունը կամ միտումնավոր դեզինֆորմացիան՝ մեր եղբայրական ժողովուրդների և երկրների միջեւ տարաձայնություն սերմանելով»: Անի Սահակյան