Սա է միակ ճանապարհը. Արամ Մանուկյան

Ինչպես արդեն տեղեկացրել ենք` մեկնարկել է Հայ ազգային կոնգրեսի (ՀԱԿ), Հայաստանի ժողովրդական կուսակցության (ՀԺԿ), «Նոր Հայաստան» հանրային փրկության ճակատի միասնական հավաք-երթը Մարտի 1-ի տարելիցի կապակցությամբ: ՀԱԿ անդամ Արամ Մանուկյանը հայտարարեց, որ այս օրը պետք է նշվի որպես համազագային բողոքի օր, բայց հույս չունեն, որ խորհրդարանն իրենց այդ օրենսդրական նախաձեռնությունը կընդունի: Նա հայտարարեց, որ եթե ժողովուրդն ամեն տարի հավաքվի այստեղ ու նշի, դա է որոշում օրվա խորհուրդը: «Մենք խորհրդարանում օրենքի մեջ փոփոխության նախագիծ ընդունելու մասին հարց ենք բարձրացրել: Ըստ դրա ամեն տարի այս օրը պետք է նշվի որպես համազգային բողոքի օր, պետական ահաբեկչության, բռնաճնշումների օր: Բայց եթե անգամ խորհրդարանը չընդունել, ժողովրդի կամքն ավելի բարձր է: Ժողովրդի պայքարը՝ ամեն տարի հավաքվելով այստեղ, դա է որոշում՝ հիշատակի օր է, թե ոչ: Մենք ամեն տարի պետք է հավաքվենք այստեղ, որ մեր երկիրը չունենա պետական բռնաճնշումներ: Սա է միակ ճանապարհը: Մինչեւ օրս չեն բացահայտվել սպանությունները, պատասպանատվության չեն կանչվել սպանությունները կատարած անձիք եւ հարյուրավոր քաղաքացիներ չեն ճանաչվել տուժողներ եւ հնարավորություն  չեն ունեցել օգտվելու դատական պաշտպանության իրավունքից: Վերջին նամակը եղել է անցյալ տարի դեկտեմբերին: Մարտի մեկի գործերի հետ կապված գործը ուղարկվել է կոմունիկացիաների: Այդ հարցերը, որ պետք է քննվեն, ուղարկել են կառավարությանը, որը 3 ամիս ժամանակ է խնդրել՝ գործերը ուսումնասիրելու համար: Ի՞նչ են արել 8 տարի , ի՞նչն է պատճառը,  որ եւս 3 ամիս են դատարանից խնդրել»,- ասաց նա: