Ինչպես է Պոլսո պատրիարք Սահակ Մաշալյանն աջակցում Փաշինյանի թեզերին
Նիկոլ Փաշինյանի՝ Թուրքիա կատարած այցի ընթացքում Պոլսո պատրիարքարանի դռների փակ լինելու բեմականացված լինելը փաստվում է հենց Փաշինյանի տարածած տեսանյութով։
Բանն այն է, որ հենց հանդիպման ընթացքում հայտնի դարձավ, որ Պոլսի հայոց պատրիարքը՝ Սահակ Մաշալյանը, ով ըստ շրջանառվող լուրերի՝ Նիկոլ Փաշինյանի կաթողիկոսի թեկնածուն է, գտնվում է Միացյալ Նահանգներում։ Հետեւապես, առանց նախապես պայմանավորվածության պատրարքարան գնալը` իմանալով, որ պատրիարքը այնտեղ չէ, ընդամենը շոու էր ու ոչ ավելին:
Առավել եւս, ինչպես արդեն նշել են, նման այցերի ընթացքում ԱԳՆ-ն ու վարչապետի արարողակարգի աշխատակիցները նախապես են հյուրընկալող կողմի հետ համաձայնեցնում այցի օրակարգը, հանդիպումների շրջանակը: պլանավորվում են թե որտեղ՝ ինչ այցեր, ում հետ՝ ինչ հանդիպումներ են նախատեսվում։ Հետևապես, պատրիարքարանի դռների փակ լինելը ամենևին էլ պայմանավորված չէ Փաշինյանի՝ եկեղեցու դեմ սկսված արշավին Մաշալյանի անհամաձայնությամբ, այլ ճիշտ հակառակը:
Սա է վկայում նաեւ Սահակ պատրիարքի հայտարարությունը, որով նա, ըստ էության, թելում էր Նիկոլ Փաշինյանի «թելը»;
Նա մասնավորապես, նշել էր, որ Գարեգին Բ-ն, Մայր Աթոռը 2026 թ.-ին հրավիրել է եկեղեցական ներկայացուցչական ժողով, որ կարող է վերածվի Ազգային եկեղեցական ժողովի։
Բանն այն է, որ եկեղեցական ներկայացուցչական ժողովը կաթողիկոս ընտրել չի կարող, իսկ ահա Ազգային եկեղեցական ժողովի պատվիրակներն այլ են և հենց Ազգային եկեղեցական ժողովին է, որ իրավասու է ընտրել Ամենայն Հայոց Կաթողիկոս։
Հատաքրքրական էր նաև Մաշալյանի մեկ այլ ձևակերպում, որտեղ նա մասնավորապես նշել էր․ «Անձնապես գիտենք, որ Վեհափառ Հայրապետն էլ շատ հոգնած է այս վիճակից, սակայն, որքան որ ծանոթ ենք իրեն, նա հետքայլ չի անի արտաքին քաղաքական ճնշումների ներքո և իրավունք ունի»։
Օրեր առաջ էլ Նիկոլ Փաշինյանը պաշտոնից ազատել էր ԱԱԾ տնօրեն Արմեն Աբազյանին` նրա հոգնած լինելու պատճառաբանությամբ:
Ասել է թե` Թուրքիայի իշխանությունների հետ համագործակցող Պոլսո պատրիարքը պասերով խաղում է Փաշինյանի հետ:
Աղբյուր՝ Փաստինֆո
Հետևեք մեզ Viber-ում
