Արտակարգ դեպք Սյունիքի մարզում. 40-ամյա մագլցողը կասկածվում է 30-ամյա կնոջը բռնություն գործադրելով բռնաբարելու մեջ

Հայաստանի քննչական կոմիտեի Սյունիքի մարզային քննչական վարչություն է փոխանցվել Ոստիկանության Մեղրիի բաժնի հետաքննչական բաժանմունքում ՀՀ քր.օր-ի 138 հոդվածի 1-ին մասի հատկանիշներով հարուցված քրեական գործը։ Քննիչի որոշմամբ ձերբակալվել է Գորիս քաղաքում հաշվառված, սակայն Ագարակ քաղաքում բնակվող 40-ամյա Սևադա Դադունցը։ Shamshyan.com-ի հաղորդմամբ վերջինս կասկածվում է Սյունիքի մարզի քաղաքներից մեկում 30-ամյա Էմմա Գ.-ի նկատմամբ բռնություն գործադրելով բռնաբարելու մեջ։ Դեկտեմբերի 2-ին, գիշերը ժամը 02։30-ի սահմաններում Ս. Դադունցը մտել է Էմմա Գ.-ի տուն և սուրճ է պահանջել։Մերժում ստանալուց հետո ճիվաղը ներսից փակել տան դուռը, հարձակվել կնոջ վրա, պատառոտել հագուստները և բռնություն գործադրելու եղանակով բռնաբարել նրան։ Իր կիրքը բավարարելուց հետո  կնոջ գլուխը հարվածել է սալիկապատ հատակին, որից հետո հեռացել է։ Ոստիկանության Մեղրիի բաժնի ծառայողները տաք հետքերով հայտնաբերել են Ս. Դադունցին և բերման ենթարկել Ոստիկանության Մեղրիի բաժին։ Գ. Շամշյանի տեղեկություններով՝ կասկածյալն աշխատում է «Հայաստանի էլեկտրոցանցեր» ՓԲԸ-ի Ագարակի մասնաճյուղում՝ որպես մագլցող։