Նիկո՛լ, դու ընդունակ ես ամեն ինչի, մենք էլ պատրաստ ենք ամեն ինչի․ Իշխան Սաղաթելյան (video)
Բազմաթիվ քաղաքացիների հետ «Զվարթնոց» օդանավակայանում է նաև ՀՅԴ ԳՄ անդամ, ԱԺ «Հայաստան» խմբակցության պատգամավոր Իշխան Սաղաթելյանը՝ դիմավորելու և զորակցություն հայտնելու Վեհափառ Հայրապետին։
Իշխան Սաղաթելյանը լրագրողների հետ զրույցում հիշեցրեց՝ օրվա իշխանությունը՝ Նիկոլ Փաշինյանի գլխավորությամբ, առաջին իսկ օրվանից է պայքարել եկեղեցու դեմ։
«Եթե ժամանակին պայքարում էր այլ մարդկանց միջոցով, հիմա բացահայտ արշավանքի է անցել Եկեղեցու նկատմամբ»,- ասաց նա։
Ըստ Իշխան Սաղաթելյանի՝ իշխանության քայլերին հակազդեցությունն արդյունավետ կարող է լինել։
«Սրա դեմ պայքարելու համար պետք է կռիվ տալ։ Եթե ուզում եք հրեշին մտցնել իր բույնը, պետք է լինի համապատասխան արձագանք»,- ասաց նա:
Հետևեք մեզ Viber-ում
