Ուկրաինան գլուխ չի հանում իր պարտականություններից. ՌԴ ԱԳՆ արձագանքը հակահայկական բանաձեւին
Ռուսաստանի արտաքին գործերի նախարարությունը հայտարարություն է տարածել նոյեմբերի 30-ին Կիևում Սևծովյան տնտեսական համագործակցության Գլխավոր ասամբլեայում միջադեպի վերաբերյալ, որտեղ ուկրաինական նախագահությունը «փաստացի հեռացրել է հայ խորհրդարանականների պատվիրակությանը սկզբունքային բնույթ կրող հարցերի վերաբերյալ ամփոփիչ հռչակագրում փոփոխություններ կատարելու համատեղ աշխատանքներից»: «Նոյեմբերի 30-ին Կիեւում անցկացված Սեւծովյան տնտեսական համագործակցության վեհաժողովի նիստում ուկրաինական ներկայացուցչությունը գրեթե հեռացրել է հայկական պատվիրակությանը`սկզբունքային բնույթ ունեցող վերջնական հռչակագրի վրա փոփոխություններ քննարկելու եւ կատարելու գործընթացից: Արդյունքում, ի նշան բողոքի, հայկական պատվիրակությունը ստիպված է եղել լքել նիստերի դահլիճը: Ստացվում է, որ Ուկրաինան չի կարողանում գլուխ հանել իր պարտականություններից` որպես Սեծովյան տնտեսական համագործակցության վեհաժողովը նախագահող երկիր: Խախտվել են համատեղ ընդունված նորմերը, բազմակողմանի աշխատող կազմակերպությունների աշխատանքային սկզբունքները, չի ապահովվում պատվիրակությունների ամբողջական մասնակցությունը միջոցառումներին, խախտվում են եւ պառլամենտարիզմի ընդհանուր սկզբունքները: Հարկ է նշել, որ ցավոք, այդ խախտումները կատարվում են մյուս պատվիրակությունների աչքի առաջ եւ նրանց լուռ համաձայնությամբ: Այս հարցը պետք է ըստ պատշաճի հետաքննվի վեհաժողովի շրջանակներում: Իսկ ինչ վերաբերում է վերջին պահին արված փոփոխություններին, դրանք արվել են արդեն պատրաստի, ամբողջովին համաձայնեցված փաստաթղթի վրա ու եղել են պրովակացիոն բնույթի: Ընդունված փաստաթուղթը տնտեսական ոլորտի հետ գրեթե կապ չունի, այն Ուկրաինայի տարօրինակ ձգտումների արտացոլանքն է»,-ասվում է ՌԴ ԱԳՆ հայտարարության մեջ:
Հետևեք մեզ Viber-ում
