Եվրամիության ու Եվրասիական միությունների միջև Հայաստանի դերը որպես տնտեսական կապող օղակ շատ մեծ է

ԱԺ արտաքին հարցերի մշտական հանձնաժողովի նախագահ Արմեն Աշոտյանը ԱԺ-ում «Հայաստան-ԵՄ. համապարփակ և ընդլայնված գործընկերություն» թեմայով խորհրդարանական լսումների ժամանակ նշել է, որ Եվրամիության ու Եվրասիական միությունների միջև Հայաստանի դերը որպես տնտեսական կապող օղակ շատ մեծ է: «Ռուսաստանում գործում է «Ռուսալ» գործարանը, որն ալյումին արտադրող հիմնական գործարաններից մեկն է աշխարհի մակարդակով, սակայն սանկցիաների տակ է շատ ուղղություննրով։ Հայաստանում գործում է դրա դուստր ձեռնարկությունը՝ «Արմենալը», և ավելացրել է իր արտահանումը ԵՄ երկրներ»,- ասաց Աշոտյանը։ Նրա կարծիքով՝ բոլոր կողմերը պետք է վայր դնեն կոնֆրոնտացիոն հռետորաբանությունը և հոգեբանությունն ու աշխատեն այնպես, որ կարողանան գտնել ընդհանուր լեզու։