Սեֆիլյանի գործով ամբաստանյալի կարևոր բացահայտումները

Այսօր՝ դեկտեմբերի 1-ին Երևանի Շենգավիթ վարչական շրջանի ընդհանուր իրավասության դատարանում շարունակվող «Ժիրայր Սեֆիլյանի եւ մյուսների գործով» դատաքննության ժամանակ գործով ամբաստանյալ Հրայր Թոփչյանը հայտարարեց, որ ՀՀ քննչական կոմիտեում իր ցուցմունքները իրականության հետ որևէ կապ չունեն և դրանք հայտնել է պարտադրանքով: Թոփչյանը ասաց, որ իր մեքենայում հայտնաբերված զենքերը իրեն են պատկանում. «92-94 թվականից իմ մոտ մնացած զենքերից են ու մեկը պատկանել է իմ ընկերոջը, որը արդեն չկա, մյուսը իմ զենքն է: Դրանք ես պահել եմ հիշատակի համար»: