Բախշյանն Աշոտյանին առաջարկում է ՀՀԿ-ի կրծքանշանը փոխարինել զինանշանի իր ոսկյա կրծքանշանով
Նոյեմբերի 28-ին ՀՀԿ փոխնախագահ Արմեն Աշոտյանը ֆեյսբուքի իր էջում լուսանկար է հրապարակել ՌԴ Պետդումայի պատգամավոր Սերգեյ Ժելեզնյակի հետ:
««Միասնական Ռուսաստան» կուսակցության գլխավոր խորհրդի քարտուղարի տեղակալ, Պետդումայի պատգամավոր, իմ ընկեր Սերգեյ Ժելեզնյակի հետ»,- նշված է Աշոտյանի հրապարակման մեջ։
Երեւանի ավագանու «Ելք» խմբակցության անդամ Անահիտ Բախշյանը հրապարակման մեկնաբանությունների բաժնում Աշոտյանին դիտողություն է արել եւ առաջարկել՝ ՀՀԿ-ի կրծքանշանի փոխարեն կրել ՀՀ զինանշանը:
«Հետաքրքիր է, Ժելեզնյակն էլ է՞ իր կուսակցական կրծքանշանը կրում պետական խորհրդանիշի փոխարեն: Հարգելի պարոն Աշոտյան, Դուք պետական գործիչ եք ու անձամբ երազում եմ, թե երբ եք կուսակցական կրծքանշանը փոխարինելու պետական խորհրդանիշով: Ուզո՞ւմ եք իմ ոսկյա զինանշանը նվիրեմ Ձեզ, չնայած այն շատ թանկարժեք հուշ է ինձ համար»,- գրել է Անահիտ Բախշյանը:
Արմեն Աշոտյանն էլ բացատրել է, թե ինչու է կրում ՀՀԿ լոգոյով կրծքանշան:
«Շատ շնորհակալ եմ, տիկին Անահիտ ջան։ Պետական կարգավիճակում, հատկապես դրսում՝ պատվով կրում եմ ։ Այս մի հանդիպումը կուսակցական էր ու մեր արծիվը կարծում եմ տեղին էր»,- գրել է ՀՀԿ փոխնախագահը:
Հետևեք մեզ Viber-ում
