Եթե պետքարանի կարիք ունես, կտեսնես՝ քանի ոսկե զուգարանակոնք ունեմ. Էրդողանը՝ Քըլըչդարօղլուին

Թուրքիայի նախագահ Ռեջեփ Թայիփ Էրդողանը հերքել է օֆշորային մեղադրանքները: Նման մեղադրանքներով հանդես է եկել ընդդիմության առաջնորդ, Ժողովրդա-հանրապետական կուսակցության ղեկավար Քեմալ Քըլըչդարօղլուն։ «Նա ասել է, որ արտերկրում՝ ինչ-որ ընկերություններում, ես միլիոնավոր դոլարներ ունեմ՝ թափահարելով ինչ-որ թղթեր, թե դրանք ինչ թղթեր են, գիտի միայն Քըլըչդարօղլուն և նրանք, ովքեր դրանք տվել են նրան։ Ժամանակին նա բոլորին ասել էր, որ ես հաշիվներ ունեմ Շվեյցարիայում։ Երբ ես պահանջեցի ապացույցներ ներկայացնել, նա չկարողացավ դրանք ներկայացնել՝ հերթական անգամ խայտառակվելով։ Այս անգամ էլ պատմությունը կրկնվել է։ Ապացուցի՛ր, որ ես գումաներ ունեմ արտերկրում, և ես հրաժարական կտամ, ընդմիշտ կհեռանամ քաղաքականությունից: Քըլըչդարօղլուն ողջ երկրով մեկ հայտարարել էր, որ նստավայրում տեղադրված են ոսկե զուգարանակոնքեր։ Նա ստել է, մենք ապացուցել ենք դա, սակայն նա հարկ չհամարեց ներողություն խնդրել։ Ինչպե՞ս կարելի էր այդպես անխղճաբար ստել ոսկե զուգարանակոնքերի մասին։ Եթե զուգարան գնալու կարիք ունես, ապա ես քեզ կհրավիրեմ պալատ, և դու կհամոզվես, թե այստեղ քանի ոսկե զուգարանակոնք կա»,-ասել է Էրդողանը