Լակոտ ասելուց հետո պետք է սիլլեն. Մերուժան Տեր-Գուլանյան
Գրող, հրապարակախոս Մերուժան Տեր-Գուլանյանը` անդրադառնալով այնտեղ վերջին շրջանում քննվող դեպքերին,Հայելի ակումբում հրավիրված ասուլիսում հայտարարեց.«ԱԺ էթիկայի հանձնաժողովն ընդհանրապես պետք չի մեզ: Օրենքի և էթիկայի միջև տարբերությունը պետք է տեսնել, քանի որ էթիկան երկու մարդկանց բարեկիրթ շփումն է: Ցավում եմ, որ մենք վերցնում ենք ընդունված օրենքներն ու կարգերը և ներմուծում մեր կյանք` առանց նայելու` որքանով են դրանք մեր հագով, այնինչ` ազգային հագուստը որպես զգեստ հագած` պետք է այդ օրենքներն ընդունենք: Չինաստանում, օրինակ, նախկինում ընդունված է եղել, որ իրար սիրող մարդիկ իրար տեսնելիս թքել են իրար երեսի: Պատկերացնո՞ւմ եք` հիմա դա մենք տեղայնացնենք»: Անդրադառնալով վերջին` Շուշան Պետրոսյանի հետ կապված դեպքին, երբ, ֆեյսբուքյան մի օգտատիրոջ բանակի մասին բացասական գրառմանն ի պատասխան, պատգամավորը գրել էր. «Լակոտ, աչքերդ կհանեմ», Գուլանյանը նշեց, որ, անկախ նրանից, թե ով է նման արտահայտություն արել, ճիշտ չէ: «Կոպիտ արտահայտություններ են, մարդուն չի կարելի վիրավորել, կարող եք հակառակ կարծիքն արտահայտել, բայց պետք չէ վիրավորել: Ուրիշին «լակոտ» ասելուց հետո պետք է սիլլեն»,- ասաց նա: Գուլանյանը նշեց նաև, որ եթե նման բան արած լիներ ընդդիմադիր մի պատգամավոր, հնարավոր է` հանձնաժողովը նույն որոշումը չկայացներ:
Հետևեք մեզ Viber-ում
