Մասրիկ գետում խեղդված հայր և որդին ապրել են հենց գետի հարևանությամբ։ Կինը, տեսնելով, որ նրանք երկար ժամանակ չեն վերադարձել, և կասկածելով, որ մի բան այն չէ, սկսել է փնտրել նրանց և դիմել է օգնության։ Դրանից հետո գետից հայտնաբերվել են 23-ամյա Սարիբեկ Առաքելյանի և նրա հոր՝ 58-ամյա Արթուր Առաքելյանի մարմինները։
Oragir.News-ն այս մասին գյուղի բնակիչներից տեղեկանալով, կապ հաստատեց Մեծ Մասրիկ գյուղի դպրոցի տնօրեն Աննա Գասպարյանի հետ։ Վերջինս ասաց, որ դեպքը ցնցել է ողջ գյուղը։
«Անհավատալի է, ուղղակի։ Շատ լավ ընտանիք է՝ 2 տղա ունեն, երկուսն էլ աշխատասեր, արարող, հարգված, մշտապես բոլորին օգնող։ 23-ամյա Սարոն ընտանիքի փոքր տղան է եղել, իմ դասղեկական դասարանից։ Մասնակցել է 44-օրյա պատերազմին։ Շատ բարի, լավ տղա էր։ Գյուղից ում էլ հարցնեք՝ կփաստեն, որ իրենք շատ լավ ընտանիք են։ Մենք նույնիսկ դպրոցում չեղարկել ենք «Վերջին զանգը» որպես հարգանքի նշան նրան և նրա ընտանիքին»,- նշեց Գասպարյանը։
Oragir.News-ի հետ զրույցում Մեծ Մասրիկի մյուս բնակիչներն էլ ասում էին, որ դեպքի հանգամանքները մինչև վերջ հայտնի չեն, քանի որ միայն հայրն ու որդին են այդ պահին այդ վայրում ձկնորսություն արել։
Ավելի վաղ հայտնել էինք, որ մայիսի 21-ին Մեծ Մասրիկում փրկարարներն ու գյուղացիները որոնողական աշխատանքների արդյունքում ջրից դուրս են բերել երկու քաղաքացիների մարմինները։
Դեկտեմբերի 15-ին՝ ժամը 14։30-ին, Հայելի ակումբի հյուրն է Խաչիկ Մանուկյանը
Դեկտեմբերի 15-ին՝ ժամը 12։00-ին, Հայելի ակումբի հյուրն է Նաիրա Զոհրաբյանը
Դեկտեմբերի 15-ին՝ ժամը 11։00-ին, Հայելի ակումբի հյուրն է Լարիսա Ալավերդյանը
Դեկտեմբերի 12-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Դեկտեմբերի 12-ին՝ ժամը 12։00-ին, Հայելի ակումբի հյուրն է Զարուհի Փոստանջյանը
Դեկտեմբերի 12-ին՝ ժամը 13։00-ին, Հայելի ակումբի հյուրն է Հայկ Այվազյանը
Դեկտեմբերի 12-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 11-ին՝ ժամը 14։00-ին, Հայելի ակումբի հյուրն է Նարե Սոսեն
Դեկտեմբերի 11-ին՝ ժամը 15։00-ին, Հայելի ակումբի հյուրն է Սեյրան Չիլինգարյանը
Դեկտեմբերի 11-ին՝ ժամը 16։00-ին, Հայելի ակումբի հյուրն է Սամվել Հակոբյանը