Փաշինյանի իշխանությունը խոչընդոտելու է Արցախի նագախահի ընտրությանը․ Մետքասե Հակոբյան

Մայիսի 21-ին լրանում է Արցախի Հանրապետության նախագահի՝ Սամվել Շահրամանյանի, նախագահության ժամկեետը, որն Արցախի նախագահ է ընտրվել 2023 թվականի սեպտեմբերի 9-ին։

Oragir.News-ի հետ զրույցում Արցախիի Ազգային Ժողովի «Արդարություն» խմբակցության պատգամավոր Մետքասե Հակոբյանը տեղեկացրեց, որ ըստ Արցախի Սահմանադրության և օրենքների՝ նախագահական ընտրությունները կարող են տեղի ունենալ ժամկետը լրանալուց ոչ շուտ քան 7 օր առաջ, ոչ ուշ, քան 10 օր հետո։ Այս օրերի ընթացքում կարող են գրանցվել նախագահի թեկնածուներ։

«Դեռ դրա մասին չենք խոսում, որովհետև որևէ պրոցես, որպես այդպիսին՝ չկա, որևէ գործընթացի մեկնարկ դեռ չի տրվել»,- ասաց պատգամավորը։

Անդրադառնալով հարցին, թե Հայաստանի իշխանությունները հնարավո՞ր է խոչընդոտեն ընտրություններին, նա ընդգծեց, որ Հայաստանի իշխանությունները հանձնել են Արցախը, և Արցախի հետ կապված ցանկացած լուծում, ցանկացած հայանպաստ քայլ իրենց համար կարմիր գիծ է, և հետևաբար, այո, պետք է ցանկացած պարագայում խոչընդոտեն։

«Երբ հարցը վերաբերվում է Արցախին, բնական է, որ Հայաստանի իշխանությունները կատաղի պայքար են սկսելու դրա դեմ»,- ասաց Մետքասե Հակոբյանը։