Արցախի հարցը չի կարելի նույնացնել ոչ Ղրիմի, ոչ Կատալոնիայի, որ Օսեթիայի հետ.Շարմազանով
«Իմ քաղաքական կարիերայի ամենալուսավոր էջերից մեկը Գարեգին Նժդեհի արձանի բացմանն ունեցած իր ելույթն էր: Նժդեհի արձանի բացումը ես համարում եմ պատմական իրադարձություն, և իմ քաղաքական կարիերայի ամենալուսավոր էջերից մեկը համարում եմ, որ ինձ պատիվ է վերապահվել Նժդեհի արձանի բացմանն ասել խոսք»,- ՀՀԿ Գործադիր մարմնի նիստից հետո, պատասխանելով լրագրողների հարցերին հայտարարեց Հայաստանի Հանրապետական կուսակցության խոսնակ Էդուարդ Շարմազանովը: «Զվեզդա» հեռուստաընկերության տեսանյութին անդրադառնալով ասաց , որ հեռուստաալիքը ներողություն է խնդրել ու հեռացրել Հայաստանում մեծ աղմուկ հանած ռեպորտաժը: Շարմազանովը առաջարկեց իրար չհակադրել Առաջին և Երրորդ Հանրապետությունների հերոսներին, հերոսական պատմությունների տարբեր ժամանակահատվածները կամ ազգային հերոսներին ու Խորհրդային ժամանակաշրջանի պետական գործիչներին: Իսկ դիտարկման առիթն այն էր, որ Երևանի քաղաքապետարանի ավագանին մերժել է Լենինգրադյան փողոցը արցախյան հերոսամարտի մեծագույն հերոսներից մեկի անունով անվանակոչելու առաջարկը: «Ես նոր եմ վերադարձել Սանկտ Պետերբուրգից, և իմ ղեկավարած պատվիրակությունը այցելել է Իսակովյան գերեզմանատուն, որտեղ 490 հազար մարդ է հուղարկավորված, որոնցից 20 հազարը հայ մարտիկներ են: Լենինգրադյան բլոկադայի ճեղքումը նաև հայ մարտիկների հաղթանակն է, պաշտպանելով Լենինգրադը`մեր պապերը պաշտպանել են Երևանը: Այդ իմաստով` հարցականի տակ դնել Հայրենական մեծ պատերազմը, Լենինգրադյան փողոցը, այդ կարծիքին չեմ, այն խորհրդանշում է հայ և ռուս ժողովուրդների բարեկամությունը, ֆաշիզմի դեմ տարած հաղթանակը, մենք մերժում ենք ֆաշիզմը, նացիզմը, ռասիզմը` բոլոր իրենց դրսևորումներով»,-հավելեց Էդուարդ Շարմազանովը: «Մի շարք պետություններ, այդ թվում Ադրբեջանը եւ Թուրքիան, խախտելով միջազգային իրավունքի սկզբունքները, վերցրել են մի սկզբունք՝ տարածքային ամբողջականություն, ընդունել են մի դեկլարացիա, որը ոչ միայն ՀՀ շահերից չի բխում, այլեւ չի բխում այն տրամաբանությունից, այն իրավական բազայից, որը գոյություն ունի»,-ասաց Էդուարդ Շարմազանովը՝ խոսելով Կիևում Սևծովյան տնտեսական համագործակցության խորհրդարանական վեհաժողովի ժամանակ տեղի ունեցած միջադեպի մասին, երբ հայկական կողմը բոյկոտել էր նիստը։ « Արցախյան հիմնահարցը չի նույնացել կապել ոչ Ղրիմի, ոչ Կատալոնիայի, որ Օսեթիայի հետ, արցախյան հարցն ունի իր ուրույն իրավական հիմքերը Արցախի քաղաքացիներն անկախացել են ԽՍՀՄ-ից նույն այն հիմքերով, ինչպես մյուս պետությունները, այդ թվում ԵՄ անդամ մերձբալթյան երկրները: Ինչ վերաբերում է տարածքային ամբողջականությանն, ապա մեկ անգամ չէ, որ համանախագահները, նաև ԵՄ-ն պաշտոնական տեսակետում ամրագրել է դրույթներ, որ տարածքային ամբողջականությունը, ուժի չկիրառումը և ինքնորոշման իրավունքի իրացումը մեկ ամբողջական փաթեթային սկուզբունքներ են որակվել, և որտեղ մեկի գերակայությունը մյուսի նկատմամբ ընունելի չէ: Այդ իմաստով ինչ որ ընդունվել է քիչ առաջ Թուրքիայի ու Ադրբեջանի գլխավորությամբ , դրանք ոչ միայն հակահայական, այլև հակաիրավական բնույթ ունեն: Նման ձևակերպումները չեն օժանդակում խնդրի խաղաղ կարգավորմանը»:
Հետևեք մեզ Viber-ում
