Հնդկաստանը հայտարարել է, որ Պակիստանը խախտել է հրադադարի ռեժիմը

Հնդկաստանը հայտարարել է Պակիստանի հետ հրադադարի համաձայնագրի խախտումների մասին և Իսլամաբադին կոչ է արել պահպանել այն։ Այս մասին ճեպազրույցում հայտարարել է Հնդկաստանի արտաքին գործերի նախարարության ղեկավարի առաջին տեղակալ Վիկրամ Միսրին։

«Վերջին մի քանի ժամվա ընթացքում Հնդկաստանի և Պակիստանի ռազմական ղեկավարների կողմից այսօր երեկոյան ձեռք բերված պայմանավորվածության բազմակի խախտումներ են տեղի ունեցել։

Մենք Պակիստանին կոչ ենք անում համապատասխան քայլեր ձեռնարկել այդ խախտումները վերացնելու և իրավիճակին լրջորեն ու պատասխանատվությամբ վերաբերվելու համար»,- ընդգծել է դիվանագետը։