Լկտիությամբ Նարեկ Մալյանի հետ կարող են համեմատվել միայն մի քանի ՔՊ-ականներ․ Աղվան Վարդանյան (video)
ԱԺ «Հայաստան» խմբակցության պտգմավոր Աղվան Վարդանյանը իմպիչմենտի գործընթաց սկսելու վերաբերյալ նախաձեռնողների նամակն ստացել է:
«Սկզբում ասում էին՝ ուլտիմատում նամակ։ Պատասխանում եմ հրապարակավ։ Պառլամենտական երկրներում, որտեղ ուժերի հարաբերակցությունը պարբերաբար կարող է փոխվել, իմպիչմենտը, նույնիսկ փոքր սխալի դեպքում, վարչապետին անվստահություն հայտնելու իրական գործիք է»,- ասաց նա այսօր՝ մայիսի 7-ին, լրագրողների հետ զրույցում:
Այնուհետև շարունակելով, Աղվան Վարդանյանը նշել է․ «Նարեկ Մալյանին միայն հիշեցնեմ, որ իմ՝ իրեն այդքան ոգեւորած 2018-ի ելույթում նաեւ ասել եմ՝ ես կուռքեր չեմ ընդունում։ Եվ հետո՝ Էդգա՞րն ու Նարե՞կն են ինձ պարտադրելու այսօր անել մի բան, ինչին ես չեմ հավատում։ Ո՞ւմ են պարտադրելու։ Ես կճնշեմ այդ պատգամավորին.- ասում է Նարեկը։ Դե արի, ինձ ճնշիր։ Նարեկը հաճախ նաեւ լկտիանում է։ Ասում է՝ 2021-ին խաբել են ավանտյուրիստի նման, քվե էին կլյանչիտ անում, ընդդիմադիր աֆերիստներ, անբարոյական կեցվածք ունեն։ Սիրով ասում եմ՝ լկտիությամբ նրա հետ կարող են մրցել միայն ՔՊ-ական մի քանի պատգամավորներ ։ Թող ձյուն չգա Նարեկ Մալյանի, Էդգար Ղազարյանի գլխին, թող կանաչ արեւ ունենան։ Բայց թող չափերն իմանան»։
Հետևեք մեզ Viber-ում
