Բելառուսն ու Ադրբեջանը համատեղ սպառազինություն կարտադրեն
Մոտ ապագայում Բելառուսը համատեղ արտադրանք կունենա Ադրբեջանի ռազմաարդյունաբերական կորպուսի հետ։ Դրա մասին լրագրողներին հայտնել է Պետական ռազմարդյունաբերական կոմիտեի նախագահ Դմիտրի Պանտուսը, որը Բաքվում է վարչապետ Ալեքսանդր Տուրչինի գլխավորած պատվիրակության կազմում է:
Ըստ News.am-ի՝ հաղորդում է БЕЛТА-ն։
«Բելառուսի և Ադրբեջանի միջև ռազմատեխնիկական համագործակցությունը ռազմավարական բնույթ է կրում և հայտնի է իր երկար պատմությամբ, ուստի մենք շարունակում ենք ծրագրված և համակարգված աշխատել»,- նշել է Դմիտրի Պանտուսը։
Ըստ Պետական ռազմաարդյունաբերական կոմիտեի նախագահի՝ կողմերը ներկայում քննարկում են համատեղ նախագծեր՝ բելառուսական մշակումների միջոցով ռազմական արտադրանքի արտադրությունը, ներառյալ՝ Ադրբեջանի տարածքում կազմակերպելու համար։
«Այդ աշխատանքը շարունակվում է, և շատ մոտ ապագայում մենք կունենանք համատեղ արտադրանք, մասնավորապես՝ Ադրբեջանի ռազմարդյունաբերական կորպուսի հետ», -ընդգծել է նա։
Հետևեք մեզ Viber-ում
