Մենք ո՞վ ենք, որ չընդունենք. Գագիկ Մելիքյան

Ազգային ժողովում ԵՏՄ-ից դուրս գալու նախագծի հանրային լսումների ժամանակ ՀՀԿ խմբակցության քարտուղար Գագիկ Մելիքյանը նշեց, որ Հայաստանում պետք է արտադրությունը զարգանա, պետք է հասկանալ, որ մաքսատուրքերի ցանկացած փոփոխություն արտադրության զարգացման համար պետք է օգտագործել, և հենց այդ փոփոխությունները դրան են ծառայում, ամբողջ աշխարհում է այդպես: Մաքսատուրքերի փոփոխությամբ, ըստ նրա, մենք ներմուծում ենք կրճատում, փոխարենը հնարավորություն է լինում զարկ տալու ներքին արտադրությանը:«Սա մեր տնտեսության ու պետության անվտանգության շահերից չի բխում: Հնչեց տեսակետ, որ հանուն Հայաստանի եկեք դուրս գանք ԵՏՄ-ից: Ես կասեի, որ այդ տեսակետը հետևյալն է՝ պետք չէ գնալ ինքնակործանման: Ասում եք՝ չեք ընդունում ԵՏՄ-ն, այ ընկերներ, Եվրամիությունն ինքն է ընդունում ԵՏՄ-ն, մենք ո՞վ ենք, որ չընդունենք: Ինքն է հաշվի նստում ՌԴ հետ ու ԵՏՄ անդամ բոլոր երկրների հետ, ինչո՞ւ մենք պետք է դրանից հրաժարվենք: Խոսրով Հարությունյանը շատ լավ բան ասաց՝ սա մեր կռիվը չէ, սա գերտերությունների կռիվն է, մենք ընդամենը մասնիկ ենք, և պետք է մեր դիրքրեն օգտագործենք ի շահ մեր պետականության»,- ասաց Գագիկ Մելիքյանը: Նա ասաց նշեց, որ  մենք ինքնիշխանության որոշակի զիջումների ենք գնում ԵՏՄ-ում.  «Իսկ ի՞նչ է, Եվրամիության մեջ չեն գնում, իհարկե գնում են: Այո, ունենք խնդիրներ, ԵՏՄ մեջ ունենք խնդիրներ, որովհետև միությունը կայացման ճանապարհին է, բայց խնդիրներ ունենք նաև Եվրամիության մեջ: Խոսում ենք ՀԱՊԿ մասին, այո, խնդիրներ ունենք, ՀԱՊԿ անդամ երկրներից առնվազն երկուսն իրենց գործողություններով ի նպաստ մեզ չեն աշխատում, բայց այնպես չէ, որ նաև մեզ շատ խիստ վնասում են, որովհետև ի դեմս Ռուսաստանի ունենք կարևոր գործընկեր, որը կարողանում է մեզ համար նպաստավոր պայմաններով մեզ և վարկ տալ, և ժամանակակաից զենք: Ո՞վ մեզ նման հնարավորություն կտար մեր անվտանգությունն անապահովելու համար: Իսկ ո՞ր գերհզոր երկիրը ո՞ր փոքր տնտեսությանը տնտեսական պատժամիջոցների չէր ենթարկի, եթե ասենք գոնե իրենց շահերից բխող, բայց ոչ իր գերհզոր ընկերոջ շահերից բխող գործողոթյուններ կատարեր: Ցանկացած երկիր, և մտածելու բան էլ չկա այս բնագավառում»,- ասաց նա: