Ցուրտ եղանակը կարելի է կապել ԵԽ-ին Հայաստանի անդամակցության հետ. Հայկ Բաբուխանյան
«Հանրապետական» խմբակցության անդամ, ՍԻՄ կուսակցության նախագահ Հայկ Բաբուխանյանը ԱԺ-ում ԵԱՏՄ-ից դուրս գալու թեմայով խորհրդարանական լսումների ժամանակ հայտարարեց, որ չի կարելի տնտեսական եւ քաղաքական հիմք չունեցող խնդիրները կապել մեկ երեւույթի հետ՝ ՀՀ-ի անդամակցությանը ԵԱՏՄ-ին: «Նույն տրամաբանությամբ կարելի է ցանկացած խնդիր, օրինակ՝ ցուրտ եղանակն էլ կարելի է կապել Եվրոպական խորհրդին Հայաստանի անդամակցության հետ: Կարելի է դուրս գալ ԵԱՏՄ-ից, բայց պետք է հաշվարկել, թե դա ի՞նչ է տալու Հայաստանին՝ ի՞նչ օգուտ եւ ի՞նչ վնաս: Արդյոք այդ դեպքում պատասխան կարող եք տալ այն մարդկանց, այն 200 հազար ՀՀ քաղաքացիներին, որոնք աշխատում են ՌԴ-ում եւ մի որոշ մասն էլ ԵԱՏՄ այլ երկրներում եւ դրանով պահում են իրենց ընտանիքները»,- հայտարարեց Հայկ Բաբուխանյանը՝ հիշեցնելով, որ 1.5 միլիոն հայ այժմ ՌԴ-ում ունի երկքաղաքացիություն:
Հետևեք մեզ Viber-ում
