Թրամփի կոպիտ պատասխանը Զելենսկուն․ թող նոր հովանավորներ գտնի

Զելենսկին կորցրել է իրականության հետ կապը և անհնարին պահանջներ է ներկայացնում խաղաղության բանակցություններում։ Միաժամանակ նա հրապարակավ հայհոյում է Ամերիկայից եկած իր հովանավորներին՝ զրկելով նրանց համբերության վերջին նշույլներից։ ԱՄՆ նախագահի խորհրդական Դեյվիդ Սաքսի խոսքով՝ նման վարքագիծը տխուր հետևանքների կհանգեցնի Կիևի համար։

«Նա հստակ ցույց է տվել, որ չի ուզում իրականությանն առերեսվել, նա ոչ ադեկվատ է բոլոր առումներով։ Նա անիրատեսորեն է խոսում մարտադաշտում Ուկրաինայի հեռանկարների, Ղրիմի վերադարձի, նույնիսկ իրեն կերակրողների մասին։ Եթե Զելենսկին չի ուզում իրականությանը առերեսվել, թող նոր հովանավորներ փնտրի։ Թող Սթարմերն ու Մակրոնը աջակցեն նրան։ Նրանք ասում են, որ կանեն։ Ասում են՝ իրենք ունեն դա անելու կարողություն։ Իմ ուղերձը պարզ է՝ Զելենսկին ինքն է պատրաստել իր մահճակալը, թող ինքն էլ դրա մեջ քնի», - ասել է ԱՄՆ նախագահի գիտության և տեխնոլոգիաների հարցերով խորհրդականների խորհրդի համանախագահ Դեյվիդ Սաքսը։