Այսօր՝ նոյեմբերի 27-ին, խոշոր ավտովթար է տեղի ունեցել Տավուշի մարզում: Ժամը 01:30-ի սահմաններում Վրաստանի Հանրապետության քաղաքացի 33-ամյա Մամուկա Շալաշիձեն իր վարած MAN մակնիշի բետնատարով Իջևան քաղաքի Երևանյան փողոցում՝ կենտրոնական շուկայի հարևանությամբ, բախվել է ճանապարհի բաժանարար բետոնե հատվածին և առաջ ընթանալով ՝ կողաշրջվել: Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների, բարեբախտաբար, զոհեր և վիրավորներ չկան: Օպերատիվորեն դեպքի վայր են ժամանել Ճանապարհային Ոստիկանության 2-րդ սպայական գումարտակի 4-րդ վաշտի 2-րդ դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Սերյոժա Ղալթախչյանի գլխավորությամբ:
Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Գեղամ Մարգարյանը տեղեկությունը փոխանցել է Ոստիկանության Իջևանի բաժին, որտեղից ժամանել է օպերատիվ խումբը՝ Իջևանի ոստիկանապետ Հայկ Թումանյանի գլխավորությամբ: Ժամանել են նաև Ոստիկանության Տավուշի մարզային վարչության օպերատիվ խումբը՝ վարչության պետի ծառայության գծով տեղակալ Սամվել Ավետիսյանի գլխավորությամբ: Օպերատիվորեն ժամանել են նաև ՀՀ կառավարությանն առընթեր Պետական եկամուտների կոմիտեի ի մաքսային ծառայության նախաբացթողումային հսկողության վարչության օպերատիվ խումբը, քանի որ ավտոմեքենան բարձված է եղել ապակե տարաներով, որը ներմուծվել է Հայաստան: Ժամանել են նաև Արտակարգ իրավիճակների նախարարության փրկարար ծառայության Տավուշի մարզային փրկարարական վարչության խումբը: Ֆոտոլրագրողը հայտնում է, որ կողաշրջման հետևանքով առաջացել է դիզվառելիքի արտահոսք, իսկ երթևեկությունը նշված հատվածում դադարեցվել է, ինչի առթիվ էլ ուժեղացված ծառայություն են կատարում ՃՈ աշխատակիցները՝ Իջևանի Ոստիկանության բաժնի ծառայողների հետ:
Փաստի առթիվ ՃՈ 2-րդ սպայական գումարտակի 4-րդ վաշտի հետաքննիչ Դավիթ Մալյանի կողմից նյութեր են նախապատրաստվում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Փետրվարի 23-ին՝ ժամը 15։00-ին, Հայելի ակումբի հյուրն է Զարուհի Փոստանջյանը
Փետրվարի 23-ին՝ ժամը 11։00-ին, Հայելի ակումբի հյուրն է Հայկ Նահապետյանը
Փետրվարի 21-ին՝ ժամը 12։30-ին, Հայելի ակումբի հյուրն է Աշոտ Անդրեասյանը
Փետրվարի 21-ին՝ ժամը 12։00-ին, Հայելի ակումբի հյուրն է «Մայր Հայաստան» դաշինքի անդամ Դերենիկ Մալխասյանը
Փետրվարի 21-ին՝ ժամը 11։00-ին, Հայելի ակումբի հյուրն է ԱԻՄ առաջնորդ Պարույր Հայրիկյանը
Փետրվարի 20-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Փետրվարի 20-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Փետրվարի 20-ին՝ ժամը 12։30-ին, Հայելի ակումբի հյուրն է Արմինե Ադիբեկյանը
Փետրվարի 20-ին՝ ժամը 13։30-ին, Հայելի ակումբի հյուրն է Հայկ Այվազյանը
Փետրվարի 19-ին՝ ժամը 15։00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը
Հետևեք մեզ Viber-ում
