Բալիում հրաբխի ժայթքման պատճառով ճգնաժամային իրավիճակ է

Associated Press գործակալությունը հայտնել է,որ Ինդոնեզիայի Բալի կղզում տասնյակ հազարավոր զբոսաշրջիկներ են կուտակվել Ագունգ հրաբխի ժայթքման պատճառով փակված միջազգային օդանավակայանում, որոնք հույս ունեն մեկնելու տուն, նրանց թիվը մշտապես աճում է: Հարյուրավոր ավիաչվերթեր են չեղարկվել, տեղեկատվություն է ստացվում, որ դեպի Բալի հանրահռչակ առողջարանային կղզի չվերթերն օդում հետ են դարձնում եւ ուղարկում Ջակարտայի, Սինգապուրի, այլ քաղաքների օդանավակայաններ: Օդանավակայանը փակ է նոյեմբերի 27-ի տեղական ժամանակով 06:00-ից (Երեւանի ժամանակով 02:00-ից): Փակման որոշումը կայացվել է այն բանի կապակցությամբ, որ հրաբխի ժայթքման հետեւանքով գոյացած մոխրի շերտը հասել է օդանավակայանի օդային տարածություն: