Պեսկով. Ուկրաինայում հնարավոր է խաղաղություն Դոնբասից և Նովոռոսիայից Ուկրաինայի զինված ուժերի դուրսբերումից հետո
Ուկրաինական զորքերի դուրսբերումը Ռուսաստանի կազմում գտնվող Դոնբասի և Նովոռոսիայի շրջանների տարածքներից անհրաժեշտ է Ուկրաինայում խաղաղության հասնելու համար։ Այս մասին ֆրանսիական Le Point ամսագրին տված հարցազրույցում ասել է ՌԴ նախագահի մամուլի քարտուղար Դմիտրի Պեսկովը։
«Եթե Ուկրաինան դուրս բերի իր զորքերը այս չորս շրջաններից, ապա այո»,- ասել է նա՝ պատասխանելով ամսագրի թղթակից Անն Նիվայի հարցին, թե արդյոք հակամարտությունը կավարտվի, եթե այդ պայմանը կատարվի։
Նա հիշեցրել է, որ այդ շրջանները ամրագրված են Ռուսաստանի Դաշնության Սահմանադրությամբ՝ որպես դրա անբաժանելի մասեր։ Պեսկովը նաև նշել է, որ ներկայումս այդ շրջանների որոշ տարածքներ դեռ օկուպացված են Կիևի ռեժիմի կողմից։ «Հանրաքվեների արդյունքներով այդ տարածքները ներառվել են Ռուսաստանի Դաշնության վարչական սահմաններում, մեր տեսանկյունից սա և՛ դե յուրե, և՛ դե ֆակտո իրավիճակ է», - ասել է Պեսկովը։
Հետևեք մեզ Viber-ում
