Հայտնի կապիտանի մումիայով զբոսանավ է հայտնաբերվել

Daily Mail-ը գրում է,որ  Խաղաղ օվկիանոսի ավազանում՝ Ֆիլիպիններից ոչ հեռու, հայտնաբերվել է զբոսանավ՝ կապիտանի մումիայով, զոհվածը հայտնի գերմանացի ճանապարհորդ Մանֆրեդ Ֆրից Բայորատն է, ով անհետ կորել էր գրեթե 1 տարի առաջ, Կապիտանը եղել է 59 տարեկան: Նրա մահվան պատճառը դեռ հայտնի չէ: Ֆիլիպինների իշխանությունները հայտնում են, որ նավի վրա բռնության հետքեր չկան: Ավելի հավանական է վարկածը, որ մահվան պատճառը սրտային նոպան է, գրում է պարբերականը: Տղամարդը մահացել է նստած՝ ռադիոհեռախոսի մոտ, ենթադրաբար, փորձելով դուրս գալ կապի ու աղետի ազդանշան ուղարկել: Շոգը, օվկիանոսի չոր քամին ու աղի օդը նրա մարմինը վերածել են մումիայի: Sayo զբոսանավը հայտնաբերել են երկու ձկնորսներ: